Missha - Missha係最早登錄香港既韓國品牌,但估唔到係上個月突然結業! Missha亦都係令我最早接觸到BB cream,佢既產品我最鍾意係碎粉,一開始既花花Logo我都好鍾意。 可惜之後佢賣得越來越貴,加上其他韓國品牌來香港,我就無再用佢既產品。 還以後之後都唔會係香港見到Missha既同時,一間係旺角既家品店接收左好幾間Missha既店貨,仲以低價4折賣出 …. 又令我再次好有興趣咁襯低收納 … 有幾樣產品已經開始用緊了~ 第一次買左3樣野 1枝遮瑕掃 (折左30元, 原價75元)、 1枝濕粉掃(折左32元, 原價80元)、 1枝lip essence (折左51.2元, 原價 128元) 第1次因為趕時間,無好好咁睇,第2次再去可以慢慢試… 買左2枝cleaning oil同1枝one step cleaning oil - gel (折左各67.2元,原價168元)。 Time Revolution one step foaming oil-gel : 我用來做卸妝,估唔到都幾乾淨 初初出來係油狀咖,卒卒下會變左GEL仲會起泡,之後用暖水一過一抹,真係好乾淨呀! 當然防水防油既Eyeliner同睫毛液緊係用返眼唇卸妝啦~ 1枝眼影筆 (Rosy Brown) 原價115元,折左46元 一頭係珠光啡既眼影粉, 另一頭係實色既啡色眼影 手上試色圖 1枝唇膏 (橙色) 原價128元 折左 51.2元 黑色包裝Glam Art Rouge Signature我覺得好高貴,而且仲有一刻覺得佢有d似Tom Ford。 我揀左橙色Latte Orange SOR403。 手上試色 上唇既感覺好上色,而且都潤,色差好少。 用左枝唇膏之後,覺得自己仲白左好多! 嘿嘿! 1枝Sample size 10gm BB booster 折左12元 1塊BB Cushion卜 (折左12元) 賣單400元唔洗~ 萬寧 1月尾個時好多skincare做緊75折,而且買夠150元又有一張50元coupon。 真係好抵抵抵,又燒到我買左d一直想要平時又無買既野!!! Loreal BB Essence 75折左103元 (原價145元) Loreal base magique HKD65.5元 (原價HKD115 - 本身有8折,再有75折, 萬寧card仲有5% off) Youth code HKD185 (原價2XX元) Maybelline 眼影 HKD70.5元 (原價99元) 之後拎到既50元Coupon我就用來買左枝20ml既玫瑰果油 HK145 (原價HKD195) Nature Republic -- 今個月一開始,NR 出左好多唔同功能既安瓶,我買左honey ... 真係好潤。 最緊要係99元一枝 (30ml),每次只係用3滴,已經好足夠。 NR既眼影無用過,但佢D色好上色,感覺都有d似Paul and Joe,所以一時興奮就買左。 尖沙咀龍城 -- 呢個地方其實已經俾國內同胞攻陷左!以前我覺得係我地香港人想買國外水貨既地方,咖下國內人多到入唔到去。 前幾次經過仲有職員係門口大聲公佈話所有人出來都要check袋! 嘩! 一定係有好多野唔見左先會咁啦 ... 前幾日去好好彩唔係太迫,所以就入去行左一圈 ... 買左台灣出品Solone既眼線筆 38元 (格仔店要42元) 仲有瑞士品牌Lavanessa - 呢枝係Skin Age Lock藍銅勝太精華源液 - 有緊緻作用,抗老效果,我覺得好有需要,哈哈! Innisfree olive serum - 其實呢枝野係拎錯左,本來我想買Green Tea! 不過上網睇過話韓國係olive最出名,反而green tea係其次! 咁就即管try try啦。 呢枝係英國牌子薰衣草沐浴露。 陣味好勁,我覺得仲好過C & E既產品,最緊要係25元200ML,真係好平! 下次去可以睇睇有無其他香味。 1月真係買得太多東東。