話說上年暑假嘅時候post過3篇去名古屋嘅遊記，但其實係未完嘅哈哈 難得記起就上黎繼續同大家分享～ 今次會講下去咗成日嘅nagashima resort,超級值得推薦!! 因為全程都係玩同shopping同浸溫泉，所以冇帶埋相機，借一借網絡圖片，請大家見諒~ 其實呢個Nagashima resort係包含咗Spaland(機動樂園).Outlet(好似叫爵士之夢長島).花田.溫泉.水上樂園同酒店嘅渡假村，適合大人細路一齊去，強烈建議玩1.5至2日，事關我去一日之後要返返名古屋的酒店真係chur到喊又玩唔晒(慘) 交通： 搭電車(買全日飛)，但朝早去嘅時候成家都瞓着咗飛咗個站，結果用多咗半個鐘lol 然後去到桑名站再轉巴士，實際車程已唔多記得，total大約用一至兩個鐘 當日行程： 第一站：Mitsui Outlet Park! (早上) 兩個字： 極 大 ! 以我記憶係分東南西北區的 好易蕩失路，因為實在太多舖頭~ 真係個個都有斬獲，簡單介紹下有咩舖頭： reebok,addidas等等運動店 (買咗對reebok realflex,個時早上11點前正價鞋款都有6折，第一代realflex約$300) 男女裝如gap levis等大牌 當然仲有大熱嘅local牌子如lowrys farm, earth music ecology 等等，嗰日去仲有折上折，結果姐買咗兩三大袋的衫~~ 仲有好多女仔鐘意嘅cath kidston 家品方面有franc franc同一啲特別啲嘅當地牌子，但未見到無印(本身想大掃貨，有啲失望) 配套方面還可以，基本上個設計都係好歐陸式 好多空曠地方/有個廣場仔 有長凳可休息 一個小型food court(4-5間餐廳) earth music個邊正對住機動樂園的過山車，聽到對面的人的叫聲，好正哈哈 第二站：Nagashima spaland! (下午) 因上網做資料搜集的時候發現呢個機動樂園有半日飛（三點後入場，大人平600yen），所以就揀咗朝早去outlet，之後三點去樂園 入面真係好多野玩!! 我自己本身好鐘意去機動樂園，所以呢度真係啱晒我 鐘意刺激嘅一定要黎 加上個日基本上冇大陸團又冇乜香港團，多數係日本當地人或者外國/香港自遊行嘅客 真係爽到爆 必玩NO.1: 鋼龍2000 全世界最長 全日本最大高低落差嘅過山車! 都排咗一陣，玩咗2分鐘度，好正! 必玩NO.2: 白色旋風 全世界最大木製過山車! 係下面睇都覺得好正! 但嗰日真的唔夠時間，所以玩唔到，極sad 再講落去真係收唔到尾 極度推介大家去玩全日，因為仲有好多親子同刺激嘅野玩 用半日飛只能玩兩三個鐘，完全唔夠喉(好早就收) 第三站：長島溫泉! （夜晚） 去完樂園keep住飛尾可以平啲去溫泉嗰邊~ 對我黎講都ok,因為我唔係特別鐘意浸溫泉,冇乜要求 感覺上唔係非常大(又係因為唔夠時間浸唔晒) 總結： 呢個resort真係非常正 如果有機會記得住埋嗰度嘅酒店(有三間，日式同西式的) 有啲價錢係包埋去樂園同溫泉的 如果想睇埋花田同埋(夏天)去水上樂園唔係個度留兩三日都唔掂 重點係嗰度真係冇乜旅行團去，因為個邊比較偏僻，周圍除咗個resort冇乜野玩，所以自遊行去嗰度就最好喇 呢個係佢地嘅網頁：http://www.nagashima-onsen.co.jp/index.html/ 如果仲有時間會遲啲寫埋其餘嘅行程，係去名古屋附近嘅地區～
