唔好意思前幾日有野做所以冇更新到呢個blog添，估唔到原來會有人睇haha 同大家講返先，我今次去名古屋影嘅相其實唔多，所以有啲相都係網上搵返黎，希望大家唔好介意啊 今次都係未入正題嘅（sosad). 我係想分享下係名古屋自由行慳錢嘅攻略呵呵。 旅遊景點慳錢攻略--------- 去到日本中部機場嘅時候 一搞掂晒入境手續，第一樣野做嘅絕對唔係快啲去酒店房check in,而係逛~機~場! 當然啦唔係行舖頭，而係睇下嗰啲一個個擺住leaflet嘅架有咩正野! 大家入咗境之後出咗個大堂應該會見到一條龍嘅大型藝術品，係咩黎嘅呢？ 其實係日本旅遊發展局(類似啦吓)去宣傳日本中部旅遊嘅計劃 詳情我唔講喇 總之係，係中部旅遊有啲旅遊勝地會有優惠! 大家想用嘅話要先記得，去機場搵佢地嘅counter攞佢地本小冊子 大約位置：係條走廊度，附近有賣doughnuts同拉麵各式各樣餐廳；間野係賣啲手信，同埋會見到好多介紹唔同縣嘅資料，本小冊子擺咗係cashier度，個樣係咁嘅----> 我就用咗佢黎去明治城，慳咗一大部份入場費! 如果你除咗去名古屋之外仲會去其他中部嘅地方，可以上佢地個網睇下有冇啱你嘅優惠: http://go-centraljapan.jp/en/special/shoryudo/index_tw.html 交通慳錢攻略--------- 名古屋嘅交通運輸系統(對我黎講)係十分複雜嘅，有名鐵地下鐵近鐵火車巴士blahblahblahblah... 而各位有去過日本嘅你都會知，坐日本公交最平嘅方法一定係買全日券/幾日任搭券! 所以揀啱去一個景點嘅路線係十分重要架！ 如果你係要去名古屋再去其他地方例如奈良大阪三重京都等等等，就最好用Kintetsu Rail Pass/Kintetsu Rail Pass Wide,十分抵用，仲可以坐特急添! 但呢個都係要係名古屋機場(對出嘅名古屋火車站)先有得買架! 詳情: http://www.kintetsu.co.jp/foreign/chinese-han/useful/ticket/rpw1-3.html 今次又講到呢度先，下次終於開始講去咗邊喇(lol)
