襯住七一 三日連假期，同朋友一行五人用skyscanner搵最平嘅機票，結果大無謂精神出發去菲律賓首都馬尼拉。 大家應該都同我未出發一樣，對馬尼拉印象依然停留在人質事件，而我亦曾經覺得呢個國家首相咁無恥，真係唔應該畀錢佢地賺，但最後，覺得可以5個朋友一齊去旅行好難得，而且呢D國家後生先會夠膽去。 今次出發係坐宿霧太平洋，應該係來往菲律賓嘅一款廉航，機艙都幾舒服，空姐空少都好helpful，同埋空姐雖然黑D，但眼大大幾靚女LOL 最過癮係，坐到一半係有空姐同大家玩有獎問答，係幾好氣氛嘅~ 去到機場，見到好可愛嘅小狗做警犬XD 一出機場就call Uber 返酒店，中途經過此行最想食嘅Jolibee. 雖然香港都食到，但Jolibee係菲律賓出產，所以真心想試食。 酒店出黎，第一站去Wendy's 醫肚，聽聞菲律賓人都會回國都必定食~ 咁佢嘅炸雞係幾正喎。 食完lunch，再call Uber 去第一站景點：intramoros，係古代嘅皇城區。不過馬尼拉真係好塞車，google map 寫半個鐘嘅車程，結果坐左一個鐘都未到，塞到司機唔好意思，開左個電視我地睇(其實唔enjoy)LOL 終於到喇，第一站係intramoros 嘅一間local tour - Bambike. 出發前喺tripadviser 見到人推介，踩住單車遊古城，又有個導遊帶住，所以決定訂3-5pm 的一個private tour。因為上網D人話intramoros好大好熱，踩下單車遊古城應該會舒服D。 點擊圖片放大 咁啱有人係San Agustin Church 行禮，其實唔講，以為我去左歐洲~ 好多負評嘅馬車，應該係專呃遊客 點擊圖片放大 點擊圖片放大 +2 導遊哥哥，其實佢好畀心機講解，又好熟識D景點，但係我地無邊個專心聽lol 只係知菲律賓同西班牙曾經有淵源，所以古城都有西班牙風格 Bambike ecotour 完左，我地就行返出去，再一路沿住Baywalk 睇住個manila bay. 可惜晏咗D，睇唔到日落。不過呢個海景，已經令人好relaxing~ 當年發生人質事件嘅黎剎公園 行行下，去左當地一個主題樂園star city，呢個樂園成10點幾先閂門，所以我地8點先買飛入去都仲有得玩，但如果想玩機動遊戲的話，係要入場就要買張貴飛，無得到時先加錢。 之後返到酒店，諗住係附近買D零食，發現原來有個小小night market- A Venue, 有live band 又有D掃街小食同埋賣衫，司機果然無講錯，菲律賓人果然好鍾意蒲bar同埋夜生活。 今日無驚無險，可能有個LOCAL 帶住，當地人好多都以為我地係韓國人lol不過認真，咁靚嘅地方，你唔會信係菲律賓囉! Day 2 待續 實用資料： bike tour
