朝早十點去到西灣河地鐵站集合，然後跟教練去碼頭坐船去東龍洲(相入面好大隻果個就係教練) 到去新碼頭落船，一路行，越黎越覺係電視果套慳啲啦honey去野外求生果個活動，好似去左拍電視咁LOL，行到間小食店就同一早到左set up嘅其他教練集合，教我地點著D gear就出發!! 唔洗講咁多，總之行十幾分鐘去到呢個山頭，就分組任玩。 不過因為D裝備唔夠分，就要輪住玩，我呢個膽少鬼梗係讓人玩先啦!! 我就玩D無咁驚嘅先。 攀石真係難過室內果D多多聲，不過好彩有教練係咁吊住我，所以其實我都唔係好用力LOL 再挑戰abseiling!! 呢個真係唔會驚，但唔知點解我不停失平衡，好彩教練要求我地兩個人一齊同步落去，partner可以扶下自己。而最無助係去到一個位，得返個山洞，要就咁自己放繩落去。 好啦，成功挑戰Level 1, 2，終於都要打大佬。 飛索真係好需要勇氣，因為佢係要你自己踏出有如跳樓的一步。其實真係好安全，完全無離心力，不過真係高到令人怕怕，我只能弱弱咁叫教練推一推我，而且係個山崖嗌到無遠弗達，有晒回音咁，當然地畀frd 笑9我。 由11點左右玩到4點幾開始返歸，承為$6xx，好在可以任玩! 如果有朋友唔敢玩，但又想黎睇，都可以跟住大隊黎，幫手影相同埋睇袋 LOL 初頭我地都擔心會飛左去對面要dump低個frd XD 結果個懸崖其實係U 型，所以隨行嘅朋友係可以跟埋黎架~ 實用資料 香港版zipline
