唔使俾錢就可以試用護膚產品?!! 邊度有咁大隻蛤乸隨街跳……哈哈，係有架! GooodApple是也! 究竟免費嘅嘢係唔係一定冇好嘢呢？影幅相俾你，自己評價下啦~~ 點擊圖片放大 我的Apple Box 裏面有： 1. Boots No7 Protect & Perfect Beauty Serum 深層保護修復精華液(30ml) 2. Hada Labo Whitening Perfect Gel 肌研濃極潤美白保濕面霜(80g) 3. PeterThomasRoth Cucumber Gel Masque 青瓜啫喱面膜(15g) 4. Phytomer Hydracontinue Moisturizing Body Milk 海藻身體保濕乳液(7ml) Phytomer Hydracontinue Moisture Hand Cream 海藻保濕潤手霜 (5ml) 5. Bio-Essence Deep Exfoliating Gel 深層去角質青春素(5g) Bio-Essence Face Lifting Cream 青春緊膚霜 (4g) Bio-Essence Radiant Youth Essence 神奇亮膚精華(3ml) 6. Lactacyd White Intimate 美白柔滑女性潔膚液(5ml) Box裏面有2個正裝!超正! 盒裏面有兩個品牌我係未試過的，第一個係PeterThomasRoth，佢係來至美國的醫學護膚品牌之一。 “Peter Thomas Roth 創造護膚品牌的初衷起源於自己對有效護膚產品的追求，他想要尋找可以治療自己暗瘡、雀斑與細紋問題的護膚品。長遠目標就是要結合最有效的成分與最先進的科技。" (資料來至官網) 又係一個先醫自己後醫人的品牌! 所以，我第一時間試佢先。 PeterThomasRoth Cucumber Gel Masque 青瓜啫喱面膜 青瓜啫喱面膜是一款可以深層補水的面膜，含有青瓜、蘆薈、木瓜、甘菊、鳳梨等多種草本精華，可深層補水，鎮靜日曬後皮膚，舒緩皮膚的敏感症狀。性質非常溫和，可在面部脫毛，外科微整容手術後使用。面膜中含有的天然保濕因子(Sodium) PCA 具極速保濕功能 , 不但為肌膚極速注水，同時亦含有具舒緩功效的草本精華，用後皮膚回復柔軟光滑。 其實我覺得佢好適合我脫左毛後使用! 第一，佢都好冰冰涼涼，敷左在經過Laser治療的皮膚上係好舒服的。第二，佢冇咩味道，即係佢冇咩人做香料。但係唯一我唔鐘意係佢的顏色，雖然佢的深綠色可以好容易令我聯想起佢係青瓜，但係呢種顏色始終唔係屬於佢天然的顏色。 清潔好塊面之後，厚敷青瓜面膜，其實唔夠10分鐘左右，皮膚就差唔多吸曬!洗完面後，塊面係有啲冰凍感的，同埋皮膚係柔軟左的。如果大家想增加佢的冰涼感，可以將佢放入雪櫃雪一陣再敷都得，仲可以幫助收縮手孔。但係，我睇過呢個品牌內地的網站話可以當眼瞙敷，我係有所保留的。因為我試過好貼眼地敷呢款面膜，但係我感覺到有啲物質揮發，令我有啲"攻眼"的感覺。結論，都係用佢黎敷面同身好啲。 我未用過的第二個品牌係Boots No7 Protect & Perfect Beauty Serum 深層保護修復精華液(30ml) 仲係學生年代，我就用過Boots的body產品係一款士多啤梨味的Body Lotion。我好鐘意嗰款的Body Lotion，皆因佢的香味好香同包裝都好得意。今次No7的呢條Line，我完全未用過，感覺上係俾成熟皮膚使用的。好，說番第一下試佢的感覺，我唔係太鐘意佢的味道，但係佢的Texture又令我覺得有啲驚喜。宄竟佢有咩咁特別呢？如果大家有用過毛孔細致霜，你就會知我講咩架喇!推開呢款Serum，裏面好似有啲好細的粉粒填平左啲細紋，摸落去係好滑的。但過左一陣呢，皮膚吸收左某部分的精華後，表面就變得冇咁滑喇。你可以摸得到佢的落左喺皮膚的變化的。 而這款產品的功效呢，據聞係只須四個星期，即可顯著收細毛孔和擊退細紋和皺紋。 同埋，佢係低敏性的，連最敏感的肌膚也適用。 除以上兩個品牌外，盒內的其他品牌我都試過了。例如肌研的產品，我之前有用過佢的爽膚水同面膜。開架品牌黎說，佢都係一些Value For Money的品牌。產品的水感好夠。而肌研濃極潤美白保濕面霜，比起當日霜黎搽，我更鍾意晚上用佢來做面膜，因為我的皮膚似乎需要更多的時間吸引佢的產品。再者，美白產品比較吸光，根據我過往的經驗黎講，晚搽會好啲。 點擊圖片放大 +4 跟住係Bio-Essence的產品，我試左佢的 Bio-Essence Deep Exfoliating Gel 深層去角質青春素(5g)，其餘兩隻仲未試。呢款去角質係好似擦膠咁，捽下捽下就會有死皮出左黎。皮膚唔磨得沙的朋友，可以試下呢類的的去角質產品。捽完左之後，我的手背的膚色係均勻左架。(看下圖) 點擊圖片放大 Phytomer呢個法國品牌係以前我做Facial時，美容師介紹俾我的。當時對佢的感覺不大，只係好鍾意佢的味道。到今次再次試用佢的產品，佢嗰種味道又再次勾起我的回憶。佢的味道係淡淡的，好舒服的。佢支hand cream 好好用，潤而不膩又好好聞。我考慮緊買番支正裝放在手袋到! 你都好想好似我咁收到個Apple Box，上佢地的網登記，並完成任務啦! 下一個幸運兒可能就係你~~~ http://www.gooodapple.com/
