話說上年11月我已經在美容展認識Cremorlab呢個品牌，當時佢的booth係既簡約又時尚，嗰一刻我已經對佢心有好感。等左大半年後，終於聽到佢的消息，佢入左Sa Sa 啦！上星期三，Sa Sa 仲幫Cremorlab搞左個品牌發佈會添。 今次發佈會地點係銅鑼灣的caffe HABITU(呢排好鍾意去的caffe）。一打開Lift，迎入眼簾係貼左Cremorlab膠紙的落地玻璃窗，玻璃窗前面係整齊地擺放左Cremorlab的產品。另外有一張台上仲擺放有金津礦物水，試飲左的Blogger同媒體朋友都話啲礦物水鹹鹹地。 點擊圖片放大 呢間caffe HABITU都幾有特色，裝璜上有好多白色的原素，同Cremorlab的Theme Color 同Packing 都幾襯。而Cremorlab幾件熱賣的產品已預先放好在台面，等待人一探究竟。 今次Event的主持又是她，靚靚的Blogger加化妝師加主持的Heidi，最近我參加由佢主持的Event 至少有3個。 講番今次的主角Cremorlab，產品最主要的特色係全線產品均蘊含金津礦物水(T.E.N)。金津礦物水(T.E.N)係提取自地底1100米，蘊含多種稀有礦物質，包括釩、鍺等。簡單啲黎講，品牌的最大特色係深層保濕。 Source: http://www.cremorlab.co.kr/cremorlab/index.php?isLan=ch&inc=TEN_Journey 等到Cremorlab的代表介紹完個品牌後，我地都急不及待地試產品。我試左T.E.N礦物鎮靜保濕噴霧、T.E.N礦物淨白水分面膜、T.E.N 礦物保水分凝膠、T.E.N礦物緩皺防曬乳霜SPF35PA++。 T.E.N礦物淨白水分面膜係Gel Mask，塊Mask會越敷越薄，最後會乾到似塊薄膜。至於佢的淨白功能，下次我試在面上俾大家睇。 反而今次令我印象深刻的係T.E.N礦物緩皺防曬乳霜SPF35PA++，佢係一隻好爽身的防曬，我搽左半隻拇指般大小的份量在前臂到，推開佢，一啲都唔覺笠，水感仲好強添，唔錯唔錯。其他的Skincare，遲啲試完再話過你知。 跟住玩完個圈錯處的游戲後，食左個簡單的茶點，今日的發佈會已到達尾聲了。Event中撞番啲好久冇見舊同事，以前的記憶一下子返番黎，只可以慨嘆一句：時間真係過得好快! 我和昔日的同事 x 2 我和Mag Mag 我和Heidi Cremorlab產品銷售點：Sa Sa店舖 Cremorlab官網：http://www.cremorlab.co.kr/cremorlab/index.php?isLan=ch
