我四年前已經知道b.liv呢個品牌,因為我果陣時係Sa Sa的常客。b.liv的產品唔算多,記憶中大約10款之內。當然,宜加應該多過10款了。齋係面膜至少都有7-8款咁多!其中最具人氣的產品就係以下呢件: off with those heads 黑頭再見 淨化啫喱 blackhead serum gel 初初聽嗰BA姐姐講佢的產品的英文名 off with those heads 時,完全聽唔明,唔知呢件係咩產品。直至BA姐姐解釋產品係專針對黑頭同白頭的,才恍然大悟其英文的含意。 簡單講下品牌的歷史: “B‧liv包含「相信 (believe)」之意, 為Cellnique Cosmaceutical (USA) INC. 旗下品牌, 美國研發, 新加坡製造。 施妮於10 多年前以提供沙龍醫事護膚產品起家,擁有豐富的美容醫學經驗及心得, 由於研發重點一直鎖定問題肌膚保養,使得施妮短短幾年就成為問題肌膚的醫療專家。最初名為「Cellnique Pro-Series」的信•美肌, 明白自信的人是最美麗, 只要相信自己,整個世界會因而改變! 同樣也只有你自己, 能改變你的肌膚! 產品哲學 = 沙龍配方 + 多效功能, 信 • 美肌一直以其「先進沙龍級配方」引以為傲。 除了提供愛美人士所需要的多效多能保養產品外,價格高而不貴, 而且產品使用簡易、安全性高及專業, 是最方便又最沒有風險的肌膚保養品!" 對於護膚品的Packing,我都習慣仔細睇一次先,就好似買番黎的新衫我都會睇下個洗滌說明咁,確保正確使用產品。 Packing到寫左"Money-Back Guaranteed within 2 weeks with receipt & left over portion". 中文即係"14天內無痛去除黑頭粉刺或原銀奉還!" (從之前在Glamabox收到的Sample上見到)。哇! 幾型,品牌b.liv好有信心客人連續使用產品14天後,毛孔會被疏通,毛孔堵塞物會被軟化,黑頭及白頭會減少形成。咁嘅盤,有冇其它品牌夠唔夠膽開? Packing的另外一面,大家會見到有簡單的產品介紹、成分表、使用說明、注意事項及品牌的Highlight等等。 如果你睇佢的使用方法,你未必知道佢喺整個護膚程序中佢應該幾時使用。因為佢只係寫:你可以pump 2-3粒大豆大小的份量在手上,然後搽於已清潔的T-zone及有白頭同黑頭的位置。 而我個人黎講,我係將佢放在水份精華之後面霜之前的中間使用。唔知啱唔啱,錯左請糾正我。 好,又係睇成份的時候。頭幾個重要成分分別係:茶樹油(Tea Tree Oil)、 蘆薈萃取物(Aloe Vera Extract)、金縷梅萃取物 (Witch Hazel Extract)及薄荷精油(Peppermint Oil) 。其功效唔多講喇,大家自己睇啦! 話明係啫喱,擠出黎緊係啫喱狀,一推開佢就會覺得涼涼地,慢慢滲透入皮膚的時候都會覺得涼涼地,同埋會有一陣薄荷味會捐入去鼻到,好醒神!!!(凡薄荷嘢都令我諗綠箭香口膠。細時上堂成日偷食香口膠!! 警告:細路仔千其唔好學啊!) 初初使用其產品時,皮膚會分泌更多的油脂,係正常架,千其唔好奇怪。原因咪係渠道疏通左,去水能力咪高左囉!過多一段時間,油脂分泌就正常番,唔會咁多架喇! 另外,比較簿的皮膚及敏感皮膚初用時會有少少"吉吉"地的感覺。我試用的時候,只出現第1種情況,冇出現第2種情況。 跟住落黎係一啲比較噁心的圖片,嘻嘻~~ 早幾日,捱左幾晚夜同埋食左啲熱氣嘢,下巴生左粒大暗瘡(含膿個種)。平時已經忍唔住擠住架喇,令次為左試產品,我忍~~忍~~忍~~手! 搽左1日1夜後,啲膿收左水變左黃色的結晶好似啲油的結晶咁(我唔知嗰啲叫咩,我估生過暗瘡的朋友應該知我講緊的係乜東東)。然後,嗰黃色結晶體輕輕一刮就"粒"左。 都幾快喔!絶對係預期之內! 黎緊我會重點搽在T-zone位同髮邊及一啲輪廓位置,睇下佢可唔可以收細我鼻哥的粗大毛孔同減少我輪廓位置的白頭及暗粒。 在邊度有得賣?睇下佢嘅廣告啦! 此外,仲有可以去佢官網訂:http://www.cellnique.com/bliv/off-with-those-heads.html/ 買滿USD40就可以寄去世界各地,至於運費係幾多,自己上去check啦。