我手上的這一條粗粗的帶係乜東東呢?唔睇呢篇文的標題,你真係未必估到佢係乜東東。睇左個標題唔知你又估唔估到佢點用呢? 點解我好上會有呢件產品呢?因為我有以下的煩惱囉!日日在辦公室到坐,不管坐姿正確與否,我條腰的肌肉有時都會好緊同好累。平時我會以全身推油及按摩的方式去放鬆自己的肌肉,但係宜加成日忙住坐在電腦前面寫文,根本冇時間上深圳揼骨按摩。惟有試下啲新方法幫自己舒緩疲累。 圖片來源:http://www.iamgreen.com.hk/back–abdomen-pad.html 我買的是Abdomen & Back Herbal heating pad。 一個盒裏面,有一條翠綠色的腰帶,前面綠色係 絨毛質地,同有一塊大大的魔術貼,係幫你固定條腰帶。貼身體果面的是麻布質地,有一個開口位,係用黎入中藥草包的。 點擊圖片放大 +2 盒裏面仲有一條裝滿有中草藥的墊(真空包裝),成份包括有:泰國檸檬、香茅、薑黃、泰國薑、香蘭葉、丁香、生薑精油等等,好似泰國SPA的用料,非常之Refreshing呢!另外,盒裏面仲附送有一個有拉錬的膠袋,係等你每一次用完草藥墊後,待草藥墊完全冷卻後,才放入去拉錬膠袋保存用的。 咁點樣令塊墊熱呢?好簡單,放個草藥墊入微波爐用800瓦叮90秒。如果你屋企係用緊冇瓦數顯示的微波爐,可以試下用高火先叮佢1分鐘。然後攞出黎睇下够唔够熱,如果唔够熱再叮多1分鐘就差唔多喇。 以下係我喺辦公室的使用呢款Pad的情況: 1. 將熱墊敷在肚皮度(記住隔住衣服),暖暖地,幾舒服又可以舒緩經痛。 2. 我笑得咁衰係因為我發現可以用佢黎扮大肚。(哈哈哈~~自己都笑番了) 3. 將熱墊向後移,敷在腰背部,我感覺到興興地,因為我腰背部啲肉冇咁多,所以更容易感覺到果股熱力,但係好舒服!加埋佢啲香茅同黃薑,舒服到令我有啲想瞓。 4. 因為太方便,坐在度用又得,企喺到用又得。我攞番屋企用時,屋企人個個都虎視耽耽,一陣呢個又話落雨風濕腰痛,一陣果個又話打完波周身酸痛,係咁問我借黎用。 呢個品牌仲有眼部熱墊、肩部熱墊、大腿及小腿熱墊及腳部熱墊,任君選擇。下次我可能會買肩部熱墊或眼部熱墊黎試下,到時再出文啦! 邊到有得賣? 呢度: 1. Glamaevent http://www.glamaevent.com/brandlist.php?cattype=83 2. I AM GREEN 官網 Glamaevent的價錢實惠些!!!