有留意財經消息的朋友仔，一定有聽過"口紅效應"吧! 冇聽過唔緊要，依家話你知。 From MBA Lib: 所謂“口紅效應”是指一種有趣的經濟現象，在美國，每當在經濟不景氣時，口紅的銷量反而會直線上升。這是為什麼呢？原來，在美國，人們認為口紅是一種比較廉價的消費品，在經濟不景氣的情況下，人們仍然會有強烈的消費欲望，所以會轉而購買比較廉價的商品。口紅作為一種“廉價的非必要之物”，可以對消費者起到一種“安慰”的作用，尤其是當柔軟潤澤的口紅接觸嘴唇的那一刻。再有，經濟的衰退會讓一些人的收入降低，這樣他們很難攢錢去做一些“大事”，比如買房、買車、出國旅游等等，這樣手中反而會出現一些“小閑錢”，正好去買一些“廉價的非必要之物”。 歐美國家是否正處於"口紅效應"所描述的經濟狀況，大家自行判斷。但係，從以上的小知識到大家可以知道，無論經濟好定差，唇膏對女士黎講同係一件不可或缺的化妝品。搽唇膏時唔需要太多的技巧，轉換唔同的顏色就有唔同的感覺，方便至極。所以，我手袋裏面總會有2支唔同色的唇膏，以方便我出席唔同場合時作簡單轉換妝容之用。 今個12月，SY 率先試用REVLON ColorStay Ultimate Suede™ Lipstick 「持久鎖色絲絨唇膏」的 001 Silhouette 、050 Couture、095 Finale 共三個色。 . 點擊圖片放大 +2 首先，大家睇下三隻唇膏試上手的顏色。 跟住，就係試上嘴~~~~~~ 以下係我未化妝之前的樣，比較多暗瘡印同冇Mud唇色。化左妝之後，係唔係精祌左好多呢!？ 好喇，解構下我今次的妝啦! 呢個係我平時番工的妝。粉底方面，我用左兩個顏色的Cream Foundation。先搽較淺色的Foundation, 全面搽。然後，再搽較為深色啲的Foundation在面部的邊緣位，例如：腮位，額頭髪邊位等等。用兩種顏色的Foundation係想令我塊面變得立體啲同製造細面的效果。我冇用Concealer去遮我啲暗瘡印，因為平時趕番工冇時間去化得咁細緻。同埋，Cream Foundation的遮瑕度比較高，遮到我大部分的暗瘡印。 眼影方面，我以啡色為主，用左2隻唔同深淺的啡色。眼線方面，我用啡色眼線液除左畫上眼線外，亦都有畫下眼線。然後，再同用少少啡色眼影blend開左下眼線。下眼線眼頭的位置，我用左銀色的眼影做左Highlight 。 係時介紹下我呢期用緊的化妝品，其中之一係以下呢個來至瑞士Gerda Spillmann的Cream Foundation係，瑞士製造。品牌歷史超過60年的歷史，其中最出名的產品係Bio Fond 系列的Cream Make-Up，除左遮瑕度高之外，Make-up的成分裏面有Lecithin (卵磷脂) 同 Tocopherol (生育醇，維他命E的一種)，呢兩種成分可以加速細胞的新陳代謝，提升肌膚的自我修復能力。好多的荷里活巨星同化妝師都好鍾意用佢的粉底。不過一定要配合佢的base(Hydro Pearls)一齊用，如果唔係去到中午的時候個妝就會有少少溶 (在唔補妝的情況底下)。 隻base的水感好強同埋好幼滑，成份方面有rice germ oil, wheat germ oil 同guaiazaulene，呢幾種成份可以舒緩同鎮靜皮膚。香港買緊HKD 546/支 好，係時候睇下Bio Fond Cream Make-Up 的真面目。小小的圖形粉盒裏面分兩層，上層係鏡同Cream Foundation，下層係粉撲。香港售價係HKD 312/4.5g (品牌話初黎香港，會俾優惠俾香港客人，售價將調整至HKD269/4.5g.) ＿ 想了解呢個品牌，可以去佢的官方網站：http://www.gerdaspillmann.ch/ 呢個品牌可以在以下呢度買： 地址：九龍尖沙咀白加士街57-59號健能發展大廈十二樓A,B座 (Nancy's Fashion Ltd.); 選購時請先電預約。 電話：2736-3623 (劉小姐） 其他的Make-up 好品，下次再介紹! 接下來，大家可以睇下REVLON ColorStay Ultimate Suede™ Lipstick 在我嘴上施的魔法。 點擊圖片放大 呢個系列的唇膏柔滑，上色容易，皆因佢裏面含有乳木果油。而佢裏面的維他命E同蘆薈成份可以滋潤雙唇。另外，搽佢可以全日不脫色。不過在飲Champagne或Wine之前記住印走啲唇膏先啊! 呢隻唇膏仲有一個特色就係支唇膏筒旋轉時係一格格地轉出的，目的係防止唇膏折斷的情況。 3種顏色裏面我最鍾意095 Finale，因為好Sharp同令我睇起上黎好有活力。但係其他顏色我都好想試下，尤其係035 Backstage 的紫色。紫色係今個秋冬好hit的顏色之一。 這個系列一共9隻色黎左香港，想試色就去REVLON彩妝自助專櫃睇下喇! 最後，SY祝大家2013年，身體健康，心想事成!
