唔知大家轉季的時侯，皮膚會唔會容易發紅同有少少痕呢？如果出現呢種情況究竟係敏感定過敏呢？唔知唔緊要，等陣睇下任俊彥醫生的PPT知多啲啦。 上星期三，SY去左銅鑼灣的富豪香港酒店參加Avène的專業探究醫學抗紅講座。 點擊圖片放大 +2 當晚第一部部分係由任俊彥醫生講解敏感同過敏的分別、誘因、徵狀同護理方法等等。點樣分皮膚係敏感定過敏，睇以下的PPT啦! 點擊圖片放大 如果唔想塊面紅卜卜，以下係一啲避免引起血管充血擴張的方法。 之後，第二部份係抗紅系列的介紹，跟住就係Q & A 的部份。走之前品牌送每位嘉賓以下的試用裝。素聞Avène的產品温和、不含香料及添加劑、同埋比較滋身啲。SY北京的朋友仔每次到香港都會掃佢家的產品番家鄉皆因北京天氣比較乾，我朋友的皮膚容易泛紅。 好，在未試用之前先分一分佢唔同系列的產品。 第一個系列係Cold Cream 高效滋潤系列 ~~Ultra rich soap-free cleansing bar (即係以下圖片那舊皂) ~~Ultra rich cleansing gel (完全唔係啫哩狀，反而係奶白色的乳液狀，用完係唔會孟孟緊) 第二個系列係Antirougeurs 抗紅系列 ~~Redness-relief Demo-cleansing milk (潤身的洗面奶，望落去有少少綠色，估計可能因為裏面有假葉樹的萃取物) ~~Relief concentrate for chronic redness (厚身的精華，有少少似軟膏的感覺，黃黃地色，對於我黎講少少笠) ~~Redness relief soothing repair mask (潤身的cream mask，半透明，有啲似稀身啲的凡士林) 呢個系列亦都係今次講座的主角，全系列的產品均有Avène抗敏活泉水、假葉樹、甘油等成份。 第三個系列叫Trixéra+三重護膚系列 ~~Emollient and Cleansing bath treatment (沐浴乳液，奶狀，不含鹼性，冇泡，冇香料冇味) ~~Emollient Balm (護膚霜，厚身的Cream，冇香料，搽完後皮膚表面有一層保護膜，對於我黎講少少笠) 最係係其他產品，包括有 ~~Gentle Eye make-up remover (啫喱狀，有啲草味，我仲未試可唔可以落防水眼妝) ~~Crème de teint compacte (似Concealer, 因為中文官網未見及此產品，唔確定，有人知呢件係咩產品請話俾我知) 今次去呢個講座的最大得益係了解敏感同過敏的分別，同埋過敏嚴重者係會發展出酒渣鼻的，實在不容忽視。敬請大家好好留意自己的皮膚，病向淺中醫。
