上個月有些blogger朋友仔收到由PR姐姐送出9月的Glamabox，我真是羡慕得真想自己訂一個來玩。今個月的Glamabox， 我終於有份了，仲要加多了PR姐姐一樣產品給我試用，我真的開心得整天都想吹口哨。 大家來看看十月我收到甚麼產品!! Well, no bad!!! 今期連食物都有，都幾盞鬼~~ 第一件最吸引我的產品係：F&N aLIVE 全穀麥士多啤梨乳酪麥果棒一條//Retail Price: HKD38.9 (1盒6條) 對於我來說，嗰麥果棒有咬口，唔算太甜，在Office悶得發慌之時，食佢都幾開心。不過，我覺得食得佢多都係會肥的!!所以，我都係一件起兩件止就好喇! 第二件產品係Eternal Concept 的礦物泥滋潤髮膜10ml + 蘆薈潤膚啫喱5ml//Retail Price: HKD155 (100ml) 髮膜+HKD388 (200ml) 我第一次試咁gel 的蘆薈潤膚啫喱，撕開包裝唧出黎的gel好似大菜糕的一樣，好少少固體的感覺，但係一推開之後好似變番液體咁，皮膚好快吸收。我睇其它blogger的post話佢可以消炎殺菌及舒緩紅肿，適合搽在生緊暗瘡的地方。可惜我仲未試到效果，兩小包已用完。Hair Mask仲未試，今星期尾會試，不過聞落啲味道都唔錯。 第三件產品係LPD的完美無瑕蘆薈面膜一塊//Retail Price: HKD528/一盒5片 我真係第一次收到咁貴的Mask, 如果係自己買的話，我一定唔捨得買。初步睇佢裏面的成份都唔錯，有美國蘆薈、葡萄籽提取物同金縷梅提取物等，呢啲都係具保濕同抗氧化功能的成份。所以，我決定將佢孝敬我的母親大人，來招借花敬佛，氹阿媽開心。 而我自己呢，就用第四件產品：Fleur de Beaute水漾保濕面膜一塊//Retail Price: HKD199 / 一盒5片 打開塊Mask時，我聞到好香的玫瑰味，但係睇番張產品介紹，佢又冇講到話有玫瑰精華，睇黎我諗多左! 哈哈~~不過塊Mask好得意架，係掛耳仔的，我敷住塊Mask寫blog都唔會跌，非常方便。同埋，我敷左20分鐘都仲好濕潤。正!!! 第五件產品係保加利亞玫瑰天然玫瑰純露花水150ml//Retail Price: HKD157 (150ml) 支純露花水的玫瑰花味十分濃郁，作為保濕噴霧上面的話，我覺得啲味道有點兒過於濃郁。噴身就啱啱好。 最後，我的神秘第六件產品係Paul Mitchell 的Super Skinny Serum 超柔細順髮凝露25ml / 0.85oz//Retail Price: HKD 210(5.1oz) 佢係一支頭髮的精華素，洗完頭之後印乾頭髮至唔滴水的狀態下搽髮中至髮尾。之後，可以吹乾即可。 以下係佢的產品特色： 平滑-- 獨特的滋潤成分讓頭髮平滑柔軟，不會讓頭髮毛燥或膨脹。「柔順配方」可以完全滲透至毛鱗片深處，讓其中水分排除、毛髮束緊。 保護--抗熱因子修復頭髮表面的受損，預防角質剝落及抵抗環境侵害。 降低乾髮時間--柔細的頭髮代表著更小的毛髮直徑，因此頭髮乾的時間便能縮短。 但係我覺得我當佢髮尾油用都OK喔，以下係我乾髮用的效果。我用2-3泵的份量，由髮中搽至髮尾，頭髮好快吸收，完全冇果種笠癡癡的感覺。我的天線同頭髮毛燥的情況即刻得以舒緩。而我最愛的係呢支Serum有甜甜的香味架，最適合同男友約會時使用。 想訂Box?!去佢哋的官網喇：http://www.glamabox.com/hk/tc
