究竟將會令我變靚啲的男人的背影同埋女人的側面係何方神聖？在介紹佢哋之前我要講少少故事。 我自青春期開始已經有暗瘡問題，後來更因為工作關係而導致暗瘡一發不可收拾，直接影響我面對客人的自信心及工作表現。 我為左治療自己的暗瘡問題，試過戒食牛肉、有睇過皮膚科醫生及服食過異維A酸、做過果酸及用整套Obagi產品淡化暗瘡印等等。我努力左10年，雖然宜加冇咁多暗瘡，但係暗瘡印及毛孔粗大卻變我現階段最大的皮膚問題。 以下係我2012年年尾同2013年年頭皮膚狀態紀錄，點解我嗰陣咁多暗瘡呢? 因為我胡亂用Obagi的後果。我記得嗰陣美容師教我用成套Obagi仲配合埋搽的A酸一齊使用，結果我的太陽穴位及輪廓位不停爆暗瘡，情況仲左持續差唔多一年。我問番美容師點解會咁，美容師話呢啲情況係正常的，因為我皮膚更新速度改善左，藏於皮膚底層的污漕嘢就會推左出黎。結果係我第三個月已忍唔住停用Obagi，我停用後差不多一年的時間都係不停出暗瘡。 一個持續左1年多的敎訓，令我唔夠膽再使用任何煥膚產品。就算真係要用，我都會先諮詢醫生後再跟醫生指示使用。 好，宜加為大家介紹我的皮膚家庭醫生，嗰神秘的男人背影係PhotoCure的Dr. Fung。我在偶然之下認識到Dr.Fung，知道佢2012年自己開設PhotoCure醫學皮膚護理中心，咁我亦都坦白自己係美容博客的身分。自此之後，我有啲關於皮膚及市面上美容儀器的疑問，我會諮詢佢或者佢的好助手Connie(第一幅圖裏面的女人就是她)。Connie係美容儀器專家，佢非常清楚各種美容儀器所針對的皮膚問題，她懂得因應不同皮膚狀態而調教儀器能量，仲有做完機之後皮膚的反應及護理，佢都講解得非常清楚。 今年，我終於決定佢地介紹俾大家認識!帶大家睇下PhotoCure的環境，Center面積不算大，乾淨企理，3至4間房。但係每間房都好大下，有充足的空間俾治療師使用唔同的美容儀器，而見醫生的Consult房係最大間的。 Consult房裏面，Dr. Fung會用儀器機幫我做皮膚分析，分析番以我宜加的年齡我皮膚現存的最主要問題，同邊啲部位的皮膚情況比較嚴重啲!睇以下的分析圖，大家估到我最大的皮膚問題了嗎？我鼻上的毛孔非常粗大。除左係因為平時擠壓之外，鼻哥的骨膠原及彈力纖維流失速度比生產速度快，故修補唔切受損的肌膚。另一個問題就係暗瘡印及少量的雀斑。 而我自己仲提出左一個皮膚問題，我嘴角有一粒唔知係疣定係痣的物體，隨著年齡增加，佢亦都越來越大。Dr.Fung於是叫我坐在病人椅上，目測幫我估評估。我嗰粒應該唔係疣，應該死皮積聚而導致的增生，問題不大。 反而佢今次建議我先做左1550點陣激光去治療我的暗瘡印及改善毛孔粗大。1550激光療程的原理係利用波長1550nm的激光穿透皮膚約2mm的區域，形成微創傷口約0.08-0.1mm。微創傷口會啟動皮膚創傷修復反應，繼而生產大量膠原蛋白修復傷口，有效地治療痤瘡、痤瘡疤痕、毛孔粗大、皮膚鬆弛、抬頭紋、川字紋、魚尾紋、眼瞼下垂、黑眼圈等等問題。 打1550激光係會痛的，所以打之前要搽麻醉膏。簡單講講今次個療程的程序，Connie會先幫我卸妝及清潔面部，然後敷麻醉膏約30分鐘左右。敷麻醉膏時，塊面有“吉吉地”的感覺，同埋會覺得塊面好重的感覺。Connie好細心，佢選擇半邊面半邊面打，因為一抺走麻醉膏，麻醉效力會隨時間減淡。如果一開頭將麻醉膏一次過抹走，打第二個半邊面的時候，我會覺得好痛的! 因為麻醉膏的關係，1550激光打落面唔會好痛，似有啲滴滴金在面上燒的感覺同埋聽到少少“吱吱”聲。激光所到之處，塊面會變紅的。圖中所見的紅色光就係激光，Connie係會因為唔同部位而調整激光的形狀，讓激光可以均勻及準確地打落於皮膚。 打完1550後，Connie即刻幫我做番一個冷凍的骨膠原精華導入，除左幫我降紅之外，皮膚處於一個黃金的吸收時間，你俾咩佢吸咩! 最後，再敷個保濕舒緩面膜，15分鐘後再搽埋防曬走得。 Connie知道我第二日有Function，佢建議我唔好化妝，但要記得搽足防曬。佢特登俾左隻無油、無香料及不含PARABEN的美國品牌EltaMD的有顏色的防曬霜俾我。 記得我說過做完1550後，塊面係會紅的的。做完療程後的第一日，我塊面7成的紅已退左。由於工作關係，第一日爆曬左一段時間後，第二日及第三日在嘴角及下巴有脫皮情況。第四日已冇脫皮，紅亦都退晒，但係皮膚摸落去仲係“諧諧地”。第七日後，“諧諧地”的觸感都冇埋。媽媽話我好似白左，我話佢知Dr.Fung話最靚的效果係1個月後。不過我呢段時間，好勤力地喂啲靚的水份精華及骨膠原精華俾皮膚，我自己都感覺飽滿左。睇下以下呢幅相大家就知我的皮膚有幾大改善： 一個月後我再Update我的皮膚狀況俾大家知!想找Dr.Fung或Connie幫手解決皮膚問題，可以打電話預約上佢地中心睇皮膚啊! 我做緊的療程叫1550骨膠原自生護理(全面)，原價HKD3,000/次，我幫大家爭取到SY讀者首試體驗價HKD500/次，非常之優惠啊！大家有興趣試呢個療程的話，快啲同佢哋預約啦！ PhotoCure 地址：九龍油麻地彌敦道525號118號室 電話：2780-1100 官網：http://photocure.hk/ 如果大家有皮膚問題，都可以問下我，因為久病成醫。我識答的我會盡答，我唔識答的，我會問Dr.Fung!
