去巴塞一定要去睇高第(Gaudi)的建築，佢全名叫做安東尼．高第(Antoni Gaudí i Cornet，1852-1926)是西班牙最為人所熟知的建築師之一。高第的背景唔多作介紹，有興趣大家可以自行搜尋佢的資料。 在巴塞的第二日，我同朋友仔就去左高地的代表作之一: 聖家堂(Sagrada Familia)。呢座係起左一個世紀都未起完的大教堂，點解一個世紀都未起完?原來Gaudi接手去修建聖家堂時，除左資金的原因外，亦因為Gaudi對自己信仰和建築美學的執著，不停修改以致未有一幅完整的設計草圖。佢只係一部分一部分地設計和修建。過程中，高第會參考《聖經》、畫設計圖及砌模型，因為佢好想將整個建築打造成一幅幅的圖畫，將天主教教義一一展現俾教堂的每個來訪者。高地的精神實在令人敬佩，可惜的是，佢還未來得及修建好聖家堂就車禍去世。跟住接手的設計師，會根據高第留下的設計圖和參考高第的設計風格慢慢修建。但係，每每喺畫草圖準備修建時，佢哋又會找到一些高第留下的手稿或模型。所以，佢哋呢起左咁耐的教堂，預計會在2026年完工。我同朋友仔約左在2026年的時候，我哋會再去一次聖家堂睇完工後的聖家堂。不過，我同朋友仔都覺得到2026年聖家堂應該仲喺起緊。^ ^ 點擊圖片放大 上篇講完我哋第一日去住嗰間的Hostel的經歷和驚遇。好消息，我找到嗰間Hostel 部分相片啦!坦白講，呢間Hostel係我哋住過最好的Hoster，環境清幽﹐地方夠大，又有遊戲室(在最尾的一日我哋在呢間遊戲室又發生左D趣事)。唔講咁多，大家睇下呢間Hostel的環境先。 點擊圖片放大 +2
