我尋日好開心啊 ，因為可以做到一個好有heart的新娘化妝師的練妝Model。她畢左業唔係好耐(其實冇具體問佢幾時畢業 )，宜家做緊佢師傅的助手，化下伴娘妝同幫手set頭等。雖然佢仲未可以獨當一面，但係都見到佢好努力令自己成長。除左話好勤力尋找model練習之外，在未正式出道的情況下，佢已經投資左一舊錢在靚靚的新娘首飾上。我今日見到有好幾款，可惜我時間有限冇機會逐一嘗試。同埋，佢練妝的化妝品都係一D我識的品牌﹐一D都唔馬虎! 仲有一樣野，我都幾欣賞佢ge,就係對美的執著。點解? 話說我有堂高低眉，佢試左好多次想將我堂眉整得平衡D，佢將我低嗰堂眉的眉頭向上畫高少少，然後眉頭下面用concealer遮住D毛毛。點知我堂眉真係太多毛了，點遮都覺得唔夠平滑。於是，佢索性攞起眉鉗幫我修眉。當然，佢有問我介唔介意佢拔多少少眉毛，見佢對美咁有執著，我緊係願意啦! 好，睇相時間! 第一次將自己的素顏相在呢度發放，大家唔好嚇親!點擊圖片放大 +5 如果想找呢位Makeup Artist!呢個係佢的Blog http://hk.myblog.yahoo.com/kristy_makeup617
