SY媽媽的新作：山楂酒 先俾大家睇下D圖片先，浸左約兩星期，已經出味出色。顏色係深紅色，但係喺光線照射下，可以見到D酒係好靚的石榴紅色。 跟住講下個Recipe，超級簡單。 step 1: 在街市買山楂干(最好去核果種)，然後洗乾淨，瀝乾同俾太陽曬一曬(等d山楂唔好有太多水氣) step 2: 將處理好山楂干(半斤)倒入玻璃樽，然後加4斤白酒同約1斤的冰糖(甜度因人而異，可以自行調較) step 3: 將樽酒放於陰涼的地方，每日可以幫樽酒做下運動，搖下樽酒。咁就ok架喇! 媽媽第一樽的山楂感覺上係山楂多左少少，但整體上係酸酸甜甜好好味，尤其係夏天太熱冇胃口，飲山楂酒可以生津開胃!正!! 山楂酒同青梅酒的合照，你睇佢地幾老友!
