平時俾人練妝，多以新娘妝為主。今次練妝係廣告妝，仲要係可愛的日本少女妝(日本澀谷嗰隻)。 俾大家睇下個成品先! 講返呢個妝，佢ge特色係底妝要白，眼影唔化到眼窝位。反而將眼尾位的眼影向下同向後拖，眼線都係。然後，痴勁誇張的假眼睫毛將我雙"美目"放大好幾偣。我人生第一次痴三對假眼睫毛(上二下一)，我雙"美目"因唔係太習慣呢種負荷，標眼水同好tired，再加上戴左整日的大眼仔，痴假眼睫毛時雙眼不停眨!好在個MUA手定同落位準，唔使痴完唔係太啱位再撕出黎痴過。Close我雙眼俾大家眼下先。 講返我體驗完呢位MUA(Suyi)，佢都係d細心的人，在場的model應該得我同另外一位有用頸圍(唔知實情呢塊巾叫咩名)圍住條頸，咁樣可以防止d make up 產品跌落件衫到。呢D細節都做得幾周到! 另外，Suyi都幾急中生智的人。原來，佢哋化呢個妝包埋Set頭得個半鐘時間。Miss話就黎夠鐘個陣，我個頭都未Set。 因為呢個妝係第一次化，在場的好多位mua都未掌握到箇中的技巧，好多都未趕得切set頭。有D已經放棄左幫佢地Model set 頭。反觀Suyi即刻在我個頭撥兩撥，已經設計好個髮型。佢以"笨"孖辮的形式，將我D頭髮夾埋一邊，嗰妝的感覺即刻出番晒黎， かわいい左。P.S. 全程冇用過hair spray. 點擊圖片放大
