我鐘意跳舞，尤其係週末同班fds去Clubbing時，飲左少少酒之後，就會聞歌起舞。開心過後，你知最慘係咩嗎？係當你好想瞓覺時，但係你必需缷左妝沖完涼先可以瞓。不過，如果我真係好累的時候，涼可以唔沖，但係妝一定唔可以唔缷。 為左可以快啲瞓覺，我好多時會在車上缷妝。缷妝棉係我Clubbing時必備的東西之一。在車上缷完妝後，返到屋企再用洗面奶洗多次面確保塊面乾淨才可以安心瞓覺。 今次受邀試用Nivea的Refreshing Facial Cleanising Wipes 3合１清爽卸妝潔面棉－全效卸妝潔面，真係啱晒我。 點擊圖片放大 3合1係指佢可以集缷妝、潔膚同補濕於一身的缷妝棉。因為佢裏面的成份有專利保濕因子Hydra IQ，呢個成份可深層滋潤肌膚及保持水份平衡，另外仲有豐富的維他命Ｅ、維生素元B5、蓮花精華 (深層補水及鎖水)。而我最鐘意的係佢不含酒精，性質溫和，完全唔刺激皮膚。我宜加用緊的呢個Wipes係適合中性及混合性肌膚。佢另設有一款係俾敏感皮膚用，裏面含有天然杏仁油及金盞菊精華，包裝上的字係粉紅色架，叫做Gentle Facial Cleansing Wipes。 另外一樣嘢令我幾欣賞的係佢質地好柔軟。而且，佢有一面係凹凸紋設計，細節位更容易抹到。 好，宜加試下佢的清潔能力。以下係我平時番工時常化的妝，比較淡同埋以大地色眼影為主。 跟住就係用呢個Wipes，我習慣先缷眼妝，因為我係用防水的Mascara，需要敷一陣Mascara才會溶。我用在一塊抹左半邊面，老實講粉底、胭脂、眉、唇膏都抹得乾淨。但係，防水的Mascara抹得唔夠乾淨。我需要用專卸眼唇的卸妝液再卸多次。 如果你平時係輕"妝"上陣，即係番工或出街時簡單地搽少少防晒或BBCream再加少少 胭脂唇膏就走得的朋友仔的話，呢個Wipes會係一個好方便及好呵護的卸妝用品。只 需HKD49.9就有25塊卸裝棉，對於我黎講，嗰價錢真係都好抵。 Nivea同Revlon兩大品牌Cross Over做緊Promotion，詳情如下： “現凡於2013年3月22日至5月24日於屈臣氏購買REVLON全新COLORSTAY粉底/遮瑕霜系列一件即可獲送NIVEA淨白晶瑩泡沬潔面乳50g乙支（價值$28）(數量有限，送完即止。) 同時亦可於2013年3月22日至4月18日於屈臣氏購買NIVEA3合1清爽卸妝潔面棉25片裝一包，即送您REVLON$10現金券乙張，此券可於購買REVLON全新COLORSTAY粉底/遮瑕霜系列時即享$10優惠（數量有限，送完即止。）" From me: 人生苦短，需及時行樂! 希望大家透過睇我的博文，除左可以知道市面上美容護膚資訊外，亦可以認識下我呢個人!
