今次係SY寫Blog以來，第一次好正式地被品牌選中試用產品同拍攝個人照片。面對鏡頭的經驗，我有，不過只限於做練妝Model的時候。所以，今次的Catalog照片拍攝非常之新鮮有趣。睇下我嗰開心樣~~~ 講番今日的主角─YOUTH CODE。喜歡睇電視的你，對呢個產品應該唔陌生。YOUTHCODE的廣告喺每晚黃金時段在電視上有播出。 試用完大概一個星期，在皮膚表面臨時未見到好明顯的改善。但係，在睇唔不到到皮膚底層，我係感覺到皮膚係柔軟左，彈性好左，同去到下午皮膚出油的情況都改善左，之前都冇諗過有呢種效果，都幾有驚喜！ 好，我哋由外而內剖析件產品。灰樽銀蓋的Bottle同好多品牌都差不多，但係一扭開嗰銀蓋，發現裏面係支滴管，比較平時用膠管接駁pump出黎的精華高貴好多。YOUTHCODE的retail size係30ML，係支精華肌底液。精華肌底液係俾比擦精華前用架。所以，擦完YOUTHCODE後係要擦精華的（唔好搞錯啊！）。盛女如我，擦完YOUTHCODE後一定擦番自己的精華素呵護肌膚。而後生的你，自己決定啦！ 點擊圖片放大 內在的精華液，有淡淡的花香同草香，唔算係我最喜歡聞的氣味。但係，佢的氣味散發住少少硬朗的感覺，同佢present的形象好match。質地方面，同乳液的厚薄度差不多，可能比乳液厚多少少。非常柔滑同易推，幾秒鐘左右，皮膚就吸晒。 點擊圖片放大 +3 效果黎講，正如我之前所講，表面臨時未見到好明顯的改善，但皮膚的觸感上的確柔軟左及彈性好左。如果LOREAL再sponsor多一支俾我就好喇！對於我黎講，呢支精華肌底液回購度係70%。 P.S. 呢支Product的character有d似我，外剛內柔!!!!!
