SY今個星期好幸運，有Blogger朋友仔帶我出席Event。我的第一個Event—Colgate Optic White™牙齒美白系列發佈會。 去到會場，迎接我哋的係大S 的foam board。榮升做Colgate亞洲代言人，大S唇紅齒白，笑容亮麗及充滿自信，偶像風範更勝從前。我實在太鍾意佢喇!! Optic White™牙齒美白系列包括三件產品，包括：『Optic White™牙膏』、『360∘Optic White0牙刷』及『Optic White™漱口水』。PR同事更特別介紹呢支牙膏，皆因佢非常特別，牙膏接觸牙齒時會產生熱能。對於牙膏會產生熱能我都係第一次聽，所以當晚我已經急不及待試下支牙膏。果然，牙膏接觸牙齒後輕輕磨擦後就Feel到熱熱地，跟住薄荷的香味及清新的感覺就升上黎，充斥口腔，超fresh!!至於係唔係白左呢，未有咁快睇到~~~~我用完一個星期後，再分享。 講番個event,大會考慮得非常周到，除左有安排小食及飲品之外，大會仲安排左即場整玻璃小飾物的體驗勞作。SY緊係唔執輸，一箭步沖上去動起手來。睇下我的作品。 經過Colgate的高層介紹完呢一系列的產品，就輪到星級化妝師Gary Chung 示範化紅嘴的技巧，佢又袋錢入我袋喇!其實要訣都好簡單，红嘴要化得靚，牙齒一定要白，咁樣紅嘴先至有最靚的襯托。之後，仲有四位Model示範紅嘴妝如何配合唔同場合使用。 點擊圖片放大 最後，咁係唔少得好味的Refreshment啦!不過，我冇食太多，因為俾近吧台的Revlon的化妝箱吸引住，為左試8月底才Launch的螢光甲油排隊去了。 今次event的得著，除左有Colgate Optic White™ 一系列的試用品外，仲有在會場上見到平時我有睇開佢地的文的blogger朋友們，超開心! 點擊圖片放大 今次產品的科技及效果，我冇寫太多，因為我想親身試完先分享俾大家知。Ciao! 如果想知多，上佢地的官網睇下啦：www.colgateopticwhite.com.hk
