SY用護膚品的生涯裏面從未用過Aqualabel,今次第一次試用,即刻改觀。 大概2星期前,我收到由Aqualabel讚助的新品: Aqualabel Cleansing Massage Cream Ex 人參緊緻潔面乳霜 Aqualabel Cleansing Foam Ex 人參緊緻潔面泡沫 潔面泡沫對於我黎講,我興趣不大。反而係 Cleansing Massage Cream比較吸引我,因為我個人都幾鍾意為自己的面部按摩。所以,當晚即刻攞黎用。 各位Sis,用產品之前記住先睇下產品說明。點解?原來嗰Cleansing Massage Cream除左可以按摩之外,仲可以卸妝,一舉兩得,慳番D時間。當晚冇用自己的卸妝產品,都卸得好乾淨。俾個LIKE佢! 拿~拿~拿~~雖然嗰說明有提及如卸防水睫毛液,品牌建議使用專用的卸妝產品,但係我都做左個實驗睇下係唔係唔可以卸防水妝。 以下呢幅係個做完練妝Model的妝。請留意眼妝~ 我用Cleansing Massage Cream Ex 捽左眼睛兩次,Mascara 、眼線、眼影及眉GEL等全部卸晒。之後,我再用卸妝水再抹多一次,結果係冇殘留,非常乾淨,正!以後,我卸妝就方便好多。不過,Sis用呢件產品黎卸妝的話,千其唔好貪心捽太耐。 捽得太耐反而會將妝彩妝產品捽返入去毛孔到,阻失毛孔,結果得不償失。我的建議係,不好捽太久,如果擔心唔夠乾淨,可以用乳霜卸兩次。 點擊圖片放大 +2 跟住講返支Cleansing Foam Ex。我不嬲對Cleansing Foam的產品好感麻麻,因為用完Foam後,塊面總係"Moun Moun" 緊,我唔太鍾意嗰種感覺。但係呢支潔面 泡沫比想像中優質好多。我用完之後塊面冇 "Moun Moun" 緊 的感覺,同埋配合隻Cleaning Massage Cream一齊用,塊面的皮膚係柔軟左好多及飽滿左。產品說明話因為有一個專利的導入技術,叫Aqua Synergy,可以將人參精華源源不絶導入肌膚底層,發揮其人參順行活血的功能。雖然具體唔知係咩技術,不過可以幫助改善皮膚質素的就係好技術啦! 我試過將 Cleansing Foam擠到手上,然後加水捽,係唔會起太多泡的。但係用海棉去捽的話,就會起出好多泡同D泡同埋D泡會幼滑好多。 至於味道方面,兩件產品都係D好淡的花香定係人參香味(我唔係好識分辨),我幾鍾意呢隻味。 各位Sis有興趣的話,可以以下website睇下: http://www.aqualabel.com.hk/news.php P.S.如果佢可以卸到MJ或更勁的防水Mascara,我就一定會買佢。