SY在1月中的時候在Glamaevent網店上購買左MineralBio的金箔人參潔面皂，細讀產品介紹，此皂產品含有24K純金箔和高麗參萃取物。產品能抗菌、抗衰老、增加皮膚彈性等等。它是連皂盒一起賣的，而且用了很漂亮的蝴蝶結包裝，新春送禮自用都好方便。新年在即，SY也想沾染些旺氣，也就買了一塊。 點擊圖片放大 終於在新年前收到貨了，急不及待拆開包裝試用。我太心急試用，唔記得先影相留念，就拆左個靚靚包裝，真可惜! 呢套的MineralBio金箔人參潔面皂，有一件100g的皂、咖金色的肥皂盒(玻璃質地)及一塊洗面及按摩用的毛巾布。 點擊圖片放大 +2 淨係睇件皂的顏色已係金光閃閃，好富貴吉祥樣子。產品介紹，我唔多講喇! 自己睇下面產品說明書啦! 我直接跳落去試用一環。 早上起身，不施任何化妝的樣子。 我先用溫水過面，令毛孔打開。然後加少量溫水在手心到，雙手搓皂。搓出黎泡沫唔算多，反而用附送的毛巾布輕微磨擦之後，泡沫先多番啲。同埋，有左塊布鼻翼位都可以清潔到。 一次過做完清潔及按摩後，我塊面係紅左少少，似做完運動嗰種紅，但好快就散去。膚色亦都冇咁暗啞，尤其係額頭部份。味道方面，件皂係淡淡的香味，冇嗰種好濃郁的人參味。美中不足係，用完件皂洗面，皮膚有點兒乾，要即刻搽嘢! 呢件皂的特色係24K金箔可進入真皮層發揮抗菌功效和潔淨毛孔。SY在髮邊及腮位成日都會生暗粒仔，所以睇下我用件皂清潔皮膚一段日子後有冇改善，到時再update大家。 龍年最後一日整理自己的護膚品箱子，才知自己有以下咁多支潔面產品，睇黎我要努心啲消耗佢哋！ 我開左自己的Facebook專頁： SY's Highlight 除自己的試用分享外，美容資訊及送禮活動都會在 SY's Highlight 到發放，大家敬請留意！新春送禮將於初四或初五公佈詳情，大家記住Likes我啦！
