除了色斑、包包面、膚色暗黃外， 最讓我介意的就是面部不對稱的問題。 隨著時間的流逝，便愈來愈多人會問我：點解你左邊面會大咁多？ 這件事一直都令我感到十分尷尬和不開心... 在上年年尾，在網上見到有博客分享一款來自韓國的傳統菅式骨氣美容： 強調無需開刀和打針，透過徒手用手腕的力量去按摩面部骨骼， 以改善面部形狀及大小。故此，就心思思以優惠價$380試做了一次。 在試做前，會先倒模， 試做後，再倒一次模，用作對比。 老實講，我覺得做一次係唔會睇到有咩明顯效果。 為了改善問題，所以下定決心嘗試進行一個療程。 美容治療師便建議我盡量在四個月內完成，再看看效果。 (下圖是以優惠價$380試做了一次的Before & After) 其實我很怕痛，但手術刀和手腕，我拼了老命揀後者。 於是自費參加了一個共16次啪骨瘦面療程(信用卡分6期)， 一心寄望可以改善面部左右不對稱的困擾。 每次療程前後，我都會自拍一張相作紀錄， 但有時可能因為角度問題，影極都影不到最佳的效果，請見諒～ 睇番圖仲會發現After似Before的情況，所以建議睇After好似較易比較！ (留意：療程效果因人而異) 先睇圖再講感想吧～ 1st-16th效果圖 點擊圖片放大 +14 療程終於完成了！ 但其實我是＂超時＂完成，原因是早前植了假睫毛， 為免影響假睫的效果，所以暫停和延遲了幾次療程。 但我想應該不會影響太大吧？！ 個人感想： 我都唔知自己當初的Guts從何來！ 竟然會毫不猶豫用信用卡分期付款做美容療程！ 但我沒有後悔，因為我覺得可找回自信和笑容。 雖然做完整個療程後，效果不是最完美， 但第一次與十六次的對比都幾明顯。 以下的倒模分別是攝於：24/12/2014 (左) 及 13/05/2015 (右) 以前左邊面很明顯係腫左出黎，日日都好似剛剛剝完智慧齒， 所以被逼自己用頭髮擋住腫起的左邊面。 但夏天熱辣辣，無可能日日都放頭髮落黎， 依加的面型大大有所改善，會有更大的自信束起頭髮見人！ 當然喇，我覺得要減減肥，相信塊面瘦多DD，整體面型會更佳～ 另外，我不會再側睡！我發覺是因為慣左側向一邊瞓所以先會大細面！ 我的治療師M說，以我的狀態，其實最好Keep住做啪骨， 但我的分期付款仍未供完，財政出現嚴重的危機， 所以不能繼續了，真的有點不捨得～希望之後不會反彈！ 如果財政許可，我一定會再做的，因為真的見到效果～ 據說這間美容院不久後會在旺角開新分店，仲會加價呢。 這間美容院有幾間獨立房間，環境尚算整潔乾淨。 個人認為要注意的事項如下： １。如果你剛剛釘左耳窿，我強烈不建議你去做啪骨！ 因為過程中治療師會毫不留情用盡手腕力按壓你全面，你的耳仔一定痛到哭。 我完成左最後一次的療程，即刻去釘多兩個耳窿，哈哈ＸＤ ２。如果你諗住啪骨後去約會，千萬不要！ 因為過程中治療師會用油加按摩膏塗抹你整塊面和上半身， 在啪骨時，包頭的毛巾好易移位，之後治療師會用油油的手束回你的頭髮， 你可以想像到個頭係好易笠。如非必要，療程後最好立即回家， 若有重要約會，都唔緊要：戴帽或用Dry Shampoo吧～ 一個月前係Instagram( id: sweetybeautymm )分享過一款dry shampoo，可參考下： ""剛剛完成第12次啪骨瘦面療程，過程中會用油推面和上身，做完後少不免會搞到個頭油笠笠。今次做完treatment後，便去了附近既龍城藥房買支, 見呢款價錢實惠，一於買黎試試。 要隔遠dd噴，因為個出口位幾大，一近就會容易有白印同噴到眼周。用後，有改善吧？！望落無咁油。好吧！以後做treatment都帶住它！雖然長身，但幾輕身！"""---by sweetybeautymm ３。如果你背部易生暗瘡，我建議你最好自行另外抹乾淨背部Ｄ鬼祟油先換番衫走人！ 雖然治療師十次有八次都會用熱毛巾幫我擦走按摩油，但有幾次就咁幫我用乾布抹就算。 雖然我背脊本身間唔中都會生暗瘡，但發覺開始療程後，暗瘡好似多左。 ４。如果你趕時間，只有大約一小時空檔就不要預約做療程！ 以我的經驗，要預一個半小時去完成整個啪骨瘦面療程。 十六次有十五次，我都是準時甚至早到美容院， 但十六次有九次，我都要乾等最少20分鐘先可以開始療程。 原因是有太多預約，治療師都分身不暇，所以我會先小睡片刻。 通常熟睡途中，治療師便進來。。。 如果你欠缺耐性或經期來時，請不要生氣！ 如有興趣了解更多，可上網搜尋關鍵字或私下問我都歡迎～ 電郵：sweetybeautymm@gmail.com ** **** **** **** **** **** **** **** **** **** ** 免責聲明：本人自費購買是次療程，沒有任何邀請或贊助。 本文所發表內容均屬個人分享，只供參考，不代表品牌立場。 如需獲取更多產品資訊，可聯絡品牌尋求相關意見。 如從而引起任何損失或法律糾紛，本人概不負責。 ** **** **** **** **** **** **** **** **** **** ** ♥分享完畢，多謝收看♥ 關於我： ❀ ♥Sweety:m:m．蒂芬妮 ♥ ❀ ❥ Blog：goo.gl/tHbZ87 ❥ Instagram：sweetybeautymm ❥ Email： sweetybeautymm@gmail.com (♥Tiffany)
