早排唔知係咪睇得韓劇多，想念去年去韓國旅遊時，天氣寒冷，但簡簡單單食碗拉麵加條飯捲就已經好滿足。今年一整年都只可以留港，仲要居家時間比較多。總有幾分心癢癢想回味韓國既美食。本來都想到尖沙咀韓國街，但唔就腳，依家又禁6pm後堂食，所以唯有自己煮。拉麵倒容易，但飯卷入面既料就需要較多準備。尤其黃色既醃蘿蔔唔係咁多地方有得賣。就係我屋企附近就已經無。既然係咁，就上網睇下易唔易整喇~原來都唔難，要既料屋企都有，而且冬天岩岩好就係白蘿蔔當造既季節，就一於自己整啦！ 因為要整飯卷，所以搵左個方形盒，諗住將蘿蔔切成長條形，係就係切到，但新手既我刀工真係有待改進。。。：p不過唔緊要，返正自己食，唔靚唔緊要，好味就得啦！另外仲切左半圓形，方便用另外一個盒醃製。切完蘿蔔就加鹽出水，之後就可以準備醃料。加哂落煲到滾左就可以倒入蘿蔔到醃，不過又係新手出事，倒醃料時整周圍都係。。。唉，最慘係因為醃料有黃薑粉，染到台面上哂色，普通布真係抺唔走，只好用有磨砂既清潔布磨走佢。好彩都磨得走，仲好似新既一樣。下次真係要搵野墊住，以防我粗手粗腳又搞到好混亂。好，處理返蘿蔔，因為怕蓋都上色，所以包左層保鮮紙先，再等稍微等醃料放涼左就可以放雪櫃冷藏醃製，網上就話醃一日就食得，但我試過醃一日既味道就好似唔夠味，半圓既都可以，但長條形既我就醃多幾日先用黎整飯卷，真係好正，想包幾多條都得，學埋韓國人食拉麵時做配菜都仲得。有興趣就試下整啦！ 材料Ingredients1根白蘿蔔 (約800克) 1 Radish (around 800g)2 杯清水 2 cups water1/2杯白醋 1/2 cup white vinegar1/4杯糖 1/4 cup sugar1湯匙鹽 1 tablespoon salt1茶匙薑黃粉 1 teaspoon turmeric powderIG:https://instagram.com/sweet_potato_mui?igshid=vl5lahd6ycx0FB: https://www.facebook.com/蕃薯妹sweet-potato-mui-100899004763483/
