話咁快又到年尾，可惜疫情越趨嚴峻，免得過都唔想出街。。。係屋企悶悶地都係烘焙一下，試下整個食得既聖誕花圈麵包，稍微增加下節日氣氛~ 天氣凍左，唔想搓麵團又唔想等隔夜，所以又係時候出動麵包機喇！將所以材料倒哂入去，再禁個制就攪到個麵糰，之係就分4份，其中兩份加入食用粉調返個又紅又綠既麵糰。本來係諗住唔駛手搓，分左既麵糰加埋食用粉丟返入個麵包機到搞，但分量太小。。。所以都係人手搓得比較上色。不過搓都係三兩分鐘既事，之後等發酵到2倍大。我係放室溫發酵，用左個半鐘就變大兩倍，漲卜卜，用手按壓排氣真係好治癒。。。之後滾圓休息15分鐘就可以捍成4個圓形，再疊起佢地。但真係唔懶得，每疊一層之前要掃油，如果唔係每層麵糰黏到實一實，就好難翻開佢地。。。疊好哂就可以係圓中心𠝹個“米”字，記得邊邊要預留2-3cm，唔好𠝹斷哂。之後係續層由內向外翻，再一層疊一層。。。haha, 口述很唔太清楚，有興趣都係睇片會易明d:p搞點造型就做最後既發酵，40分鐘左右就變大左，之後撒d麵粉係面就好似落雪咁，都真係幾靚。。。準備好就焗得~雖然焗完唔係理想既聖誕紅綠白，但花圈麵包既可以手撕又鬆軟，整完都好滿足！有興趣可以睇片試整~材料ingredients:250克高筋麵粉 250g Bread Flour160克牛奶 160g Milk15克糖 15g Sugar2克鹽 2g Salt10克無鹽牛油 10g Unsalted Butter2.5g Instant Yeast3克抺茶粉 3g Matcha Powder少許綠藻粉 Little Spirulina3克紅菜頭粉 3g beetroot powder適量清水Some WaterIG:https://instagram.com/sweet_potato_mui?igshid=vl5lahd6ycx0FB: https://www.facebook.com/蕃薯妹sweet-potato-mui-100899004763483/
