就到中秋，講到月餅，冰皮真係每年必食！ 雖然年年都出新款，但始終都係鍾愛經典口味--鹹蛋綠荳蓉。話雖如此，係街買既月餅都係覺得太甜，就咁食一件冰皮都一定要配茶先食得哂~既然今年時間多左，就一於自製返個低糖經典版既冰皮月餅喇！ 冰皮既材料其實都唔難準備，唯一澄面粉就搵左幾間鋪先有，雖然無都可以用粟粉代替，但係加左澄面既皮會透d，相對好睇d。而餡就仲易買，街市有齊。今次用左獨立包裝既咸蛋黃，同已去皮既綠豆，少左好多功夫。當所有材料蒸完，就可以一步步咁壓碎綠豆同咸蛋黃，再加油糖粉水去炒到成團，放涼備用。至於冰皮，因為麵糰都幾黏手，加上搓完唔會再焗，基於衛生問題都係戴返手套搓，將麵糰搓到表面光滑，大概3-5分鐘，之後攤凍就可以分一份份。等緊攤凍既同時就分左餡料先。基本上皮同餡都唔會feel到溫熱就已經可以用冰皮包餡，當然都可以放雪櫃加速降溫。 包完就到最開心環節~用餅模印個圖案出黎喇~！睇到個月餅壓完好似街賣咁，真係超開心，好有滿足感！不過都仲未食得住架！話明冰皮月餅就當然要凍冰冰咁食喇！所以整完要雪返幾個鐘先食得~唔係自誇，但雪完先食，真係好似食緊低糖版既大班冰皮月餅！除左金san話咸蛋黃可以再碎d，同埋無印“大班”2個字，如果唔係話喺大班買既都應該可以呃得下人~：p 有興趣可以睇片試整！材料Ingredients (8個 8 serving):冰皮Snow Skin:35克糯米粉 35g Glutinous Rice Flour 35克粘米粉 35g Rice Flour35克澄面粉 35g Wheat Starch20克糖 20g Sugar180克牛奶 180ml Milk 10克油 10g Oil餡料 Filling:140克去皮綠豆 140g Peeled mung beans20克糖 20g Sugar5克澄面粉 5g Wheat Starch5克油 5g Oil2顆咸蛋黃 2 Salted egg yolk少許米酒 Drops of rice wine適量水 Some WaterIG:https://instagram.com/sweet_potato_mui?igshid=vl5lahd6ycx0FB: https://www.facebook.com/蕃薯妹sweet-potato-mui-100899004763483/
