最近除左麵粉，芝士類既產品都唔係咁易買，想食既唯有自己試下整啦~ 今次要挑戰既係只用2種食材就做到拉絲既水牛芝士。最初只知道芝士係由牛奶發酵後形成，當中用左咩菌或者實際點整就唔知喇~後來搵搵下先知只要有牛奶同酸性物質（檸檬汁或者醋）就可以係屋企整芝士喇！但我要整既mozzarella cheese係要有拉絲既效果，搵左好多食譜都係要加Rennet (凝乳酶），呢樣聽都未聽過既東東偏偏就係直接影響到芝士可唔可以拉絲既重要材料，但要搵呢樣材料整，我倒不如等mozzarella有貨既時候直接買仲快~~ 正當我放棄既時候，又比我見到有外國YouTuber只係用牛奶同醋就整到拉絲芝士~！一心諗住好簡單，就用左屋企平時飲開既UHT牛奶試整，但。。。原來再睇真d，整芝士對牛奶都有返咁上下要求， 要用未經殺菌處理既生牛奶先可以整到勁拉絲既效果。。。香港又點可能買到未經殺菌處理既生牛奶呢~~可以係香港買到又接近生牛奶既就係經過巴士德消毒及均質處理既牛奶，即係雪係雪櫃，保質期只有10日左右既牛奶。 抱住試下無死既心態，就買左維記946ml既鮮牛奶試整。 過程好簡單，整完又同出面買既有9成似喎！ 配蕃茄做意大利經典既Caprese Salad真係好正！ 無Basil, 搵Lemon Mint代替住先~ 刨絲做Pizza都無得彈！ 但唯一既就真係無用生牛奶或者加左Rennet咁可以勁拉絲~~但挾麵包可以拉到少少絲都已經好滿足架喇！畢竟材料有限，今次算係挑戰成功喇~！ 有興趣可以睇片試整，材料如下，純分享，非教學。 946ML維記鮮牛奶 5湯匙醋(可用檸檬汁代替） 5Tbsp vinegar (can be replaced by lemon juice) https://youtu.be/mJio3BTML98 IG: https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/
