因為限聚令，大家都多左時間烘焙，麵粉相對無咁容易買到~ 無麵粉但又想整蛋糕，只好問下Google大神，但搵到既大部分都係用魚膠粉/吉利丁粉整成既蛋糕...偏偏我就比較鐘意食蓬鬆既蛋糕， 韓國手打1000次奄列算係唔錯既選擇，但如果我用同樣打發另加乳酪又會係咩口感呢？(純粹咁岩屋企有酸奶就過期想用埋佢:P) 無麵粉，乳酪又咁濕，未整都覺得蛋糕實係成唔到形。上網見大部分人整乳酪蛋糕(唔加/ 只加少量麵粉) 都用Greek yogurt, 而Greek yogurt就係將原味乳酪去除乳清（用篩隔走放入雪櫃一晚就得），雖然有d人話yogurt去左乳清就係cream cheese, 講質感都幾似忌廉芝士，但我就覺得偏酸，都係當返佢係Greek yogurt。 Anyways, 今次試下淨係用乳酪、蛋同糖焗一個6寸既蛋糕，看似mission impossible，但試完又ok喎！口感偏濕潤就梗架啦~但係無麵粉既情況下竟然食到梳乎厘既感覺，呢樣令我有d suprise！而且糖既分量岩岩就係酸酸甜甜既感覺，完全唔會濟，一下子已經俾我KO左半個。。。>.< 好彩係自己整，知道落左咩材料，一個無麵粉無油低糖既蛋糕，岩哂想食蛋糕又怕肥既朋友! 有興趣可以睇片試整，材料如下，純分享，非教學。 200克希臘乳酪 200g Greek yogurt2隻蛋 2 Eggs50克糖 50g Sugar 配埋水果食又會完美既下午茶~ https://youtu.be/kkxjl7snvj4 IG: https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/
