400次咖啡真係近期大熱，只要三種材料，加上強勁既臂力(當然可以改用打蛋器)，打400下就可以打出又滑又吸睛既焦糖咖啡。可惜，金san同我都非咖啡愛好者，又唔想為左試一杯而特登買咖啡粉。但咁都唔代表無得試既，身為蕃薯妹既我當然要黎杯紫薯口味啦！即時上網搵下有咩計，大致有兩個方法，一係煮沸既糖水撞打發左既蛋白，一係就用whipped cream 再加各種口味既粉。 前者我試過，但唔知係咪糖水溫度唔夠定係紫薯粉落得唔夠，打完變左藍色，雖然都算吸睛，好似星空咁，但完全唔係果回事，蛋白唔知係咪唔熟，真係飲唔落口。 似星空，但飲唔落 後者係我唔想買whipped cream。杯野本身已經要落幾匙糖，再加whipped cream真係超級肥仔，如果係街買杯黎飲就當飲完一次滿足下就算，但買左支whipped cream就係要為左唔好浪費咁用哂佢，即係比藉口自己肥落去。。。 不過Whipped cream呢個term令我諗起之前媽咪為左整素甜品而搵到既配方。其實都唔算係咩偏方，喺素食界應該好多人都知，用鷹嘴豆水可以打出好似打蛋白一樣既foamy。對於非素食者既我黎講，第一次聽到既時候都只係半信半疑，到第一次試整就更加覺得神奇！好似變魔術咁，而且打既時候成個畫面都好治癒。食物既變化真係令人覺得驚嘆！（至少我會係咁覺得） 雖然材料簡單，但我都失敗過幾次，只要心急貪快就會唔成功，不過絕對唔會影響味道，有紫薯同奶做base，仲要加左糖，一般都唔會難飲得去邊。 打得唔夠耐就會山泥傾瀉咁。。。但唔影響味道 既然係用素cream， 索性成杯野變素，唔用牛奶而用豆奶，無自家製豆漿，用左鈣思寶頂住檔（非廣告）。雖然打完唔會好似400次咖啡咁望落咁順滑，但都好好飲，口感偏向泡沫奶蓋，飲既時候要搞耐少少，等泡沫可以同奶混合，從而飲到紫薯既味道。不過重點係糖可以自己加減，唔駛1：1：1，又唔會有cream既油膩感，飲落完全唔會有鷹嘴豆既味（雖然打既時候會聞到）。算係想飲肥仔野既不二之選。 整多杯比金San, 抺茶控必試！ 有興趣可以睇片試整，真係老少咸宜，尤其減肥瘦身既朋友同素食者。材料如下，純分享，非教學。 1罐鷹嘴豆罐頭（取其水，雪凍後只取其三粒冰） 1 茶匙糖（可自行加減，但不能省略） 1-2茶匙紫薯粉（可改加自己喜歡的口味） 1盒裝鈣思寶 （可用其他植物奶，如非素食者可用牛奶或自己喜歡的飲品代替） 少量冰塊 1 canned chickpeas ( use 3 ice cubes after freeze) 1 tsp sugar( add or reduce but not remove) 1-2 tsp Purple Sweet Potato powder ( can replace by other flavour of powder) 1 box Cali-plus (can replace by other plant milk, use milk or other drinks if non-vegan) Few ice cubes https://youtu.be/uSGprdTYTew IG: https://instagram.com/sweet_potato_mui?igshid=vl5lahd6ycx0 FB: https://www.facebook.com/蕃薯妹sweet-potato-mui-100899004763483/
