講完去台北台中之旅 今日開始就帶大家去韓國吃喝玩樂啦!! 講到韓國 不得不提「春川辣炒雞排」啦! 鐘意食辣既你 絕對唔可以錯過呀! 認住個門口啦~~ 綠色字中間夾住紅色字個間就係啦! 當日 我大約二三點左右到「春川辣炒雞排」 可能因為依個鐘數過左食晏時間 下午茶時間又未到喎 所以我地一去到 唔使等位就有得食啦~ 基本上 而家去韓國 唔識韓文唔緊要 因為好多餐廳都有準備中文/英文菜單 如果你都係唔識睇都唔緊要 因為係餐廳總有一兩個服務員識講D基本的中文 所以你去到韓國係唔會因為唔識韓文而餓死的! 係「春川辣炒雞排」都唔例外 佢有準備到中文菜單俾中國人睇 另外 佢大部分侍應都識講小小中文 一入門口 就有一名侍應帶位加幫你落單 係韓國 你係三個人去佢就會幫你點三人份的食物 所以我地去到「春川辣炒雞排」 侍應問完我地幾多個人之後 就問我地加唔加配料(例如芝士...) 我地連餐牌都唔使睇就有野食啦~ 係「春川辣炒雞排」 佢會俾D客人一人一件圍裙同一個大膠袋俾客人放袋同隨身物品 咁樣客人就唔怕整污糟自己D衫同袋啦 紅色的圍裙 去到韓國餐廳 佢地點都會有一兩款小菜附送 「春川辣炒雞排」就有三款 都係D泡菜同黃蘿蔔啦~~ 佢仲有附送一個冷湯 酸酸甜甜咁 解辣一流!! 一落好單 侍應就會即刻開爐炒野食啦 所以好快有得食! 依碟雞排睇落全部紅色 好似好辣咁 但其實都唔算太辣! 我有個朋友唔食辣既都接受得到! 不得不提 佢個炒冬粉真係好好食架!! 因為佢係炒雞排 啖啖肉無骨 食得好爽! 總括而言 「春川辣炒雞排」真係好好好好食!!!!! 大家去韓國一定要試下呀! 地址:首爾市西大門區滄川洞57-8(新村2號出口,步行5分鐘) 營業時間:10:00~次日06:00