母親節當日，街上人山人海 ( People Mountain People Sea )，搞到阿媽都怕怕，尤其見到怪獸父母同佢哋嘅"港童"，細嘅就精力旺盛，喺街到周圍走，亂衝亂撞；大嘅就自己有自己玩，眼尾都唔望吓自己嘅小朋友。 此情此景，我同我媽媽都唔願見到，因為細個時，媽媽唔會咁照顧我。佢對我呵護備至，全心全意咁照顧我，令我健健康康成長。媽媽亦會身教，讓我喺佢身上學到好多待人處事嘅方法。 雖然母親節已過，不過為表達我對媽媽嘅敬愛，我都要有少少表示。 今次多謝 Nuffnang 俾機會我參加 5月18日（星期五） 「我愛Mother’s Day」Painting Jam ，讓我可以發揮我嘅藝術細胞，畫一幅油畫俾媽媽。 當日，天氣真係麻麻。去畫室嘅途中，落好大雨，不過我都無懼風雨，一心諗住畫幅畫，多謝媽媽嘅養育。 今次去 Art Vacation自助畫室，第一次去咋。 地點係荔枝角青山道 646 號 A 豐華工業大廈 2/F A1，超近地鐵站。喺荔枝角地鐵站 B1 出口行 1 分鐘，其實係地鐵站後一條街口咋。 畫室地方頗大，容納到我哋30人，都仲有好多空間。 四周牆壁掛滿各式各様油畫，畫畫都好靚，仲用咗唔同嘅畫畫技術添。 畫室仲放咗 d 畫冊、故事書，俾我哋用嚟作參考。 畫畫前， Art Vacation自助畫室老闆簡單介紹畫室。 開業一年多d 嘅 Art Vacation自助畫室除咗俾人上嚟畫吓畫外，仲透過畫畫幫公司做培訓，亦租出埸地讓家長們搞親子畫畫活動。 之後，老闆又教吓我哋點畫畫，用咩方法可以做到咩效果。當然，依家聽唔明，之後再問都得。 畫室設備充足，尤其是顏料色澤多，連金色、銀色呢 d 好少用嘅顏色都有呀。 之後，各人專心畫自己心中嘅畫。 估唔到，其他bloggers個個創意十足，畫出唔同嘅圖案，不過好似同母親節無乜相關。 下圖中間嗰個心心係我畫o架，今次畫得麻麻地，控制唔到呢種顏料。 唔緊要，下次再努力。 唔緊要喇，媽媽收得是心意，並不著重畫中圖案。 最後，我哋嚟一個投票，投選心中畫。 呢個就係我哋嘅青蛙投票箱。 入圍者各拎住自己嘅佳作，你哋覺得邊幅靚呀？ 最後，3 強。邊幅係大家心中畫？ 結果係‥‥‥ 左邊係冠軍，另邊兩個係雙亞軍。 多謝 「我愛Mother’s Day」Painting Jam Contact: sweet_co_co@ymail.com
