唔知由幾時開始, 我2個好可愛既同事..開始肯試新的餐廳!! 有一日, 俾左3張係飲食雜誌撕落黎既地址我.. 好喇, 就陪佢地試下新野喇!! 呢個係第一張, 拉麵店!! 我地個司機真係頂我地唔順喇就黎… 日日都要佢搵路!! 一入到出!! 佢地就話間餐廳有D似樣!! 應該會好食!! 個裝修都真係好似日本拉麵店!! 都叫做有心思既~ 自從上次食完TOTO拉麵中伏之後… 我就對金邊的拉麵要求降低喇!! 望下個MENU, 有清湯, 醬油, 豬骨湯, 咖哩, 重有少少小食!! 噤就肯係穩健, 叫個豬骨湯喇!! 係我地諗緊呢間係會唔會再次中伏之際.. 突然後面有把廣東話聲!! 原來係個老闆…係香港人!!! 唔知係我地見得小人, 定係呢排真係多左好多香港人呢!! 原來佢係度開左呢間麵店已經3年喇!! 老闆之前係香港都係做呢行… 點解會過黎就真係唔敢問住…見得愈多人…就愈好奇… 期待會有一個故事! 佢重話俾我地聽, 就黎搬喇!! 下一間重大, 有成2 千幾呎, 重要有個花園!! 好期待!! 佢就介紹左醬油湯底, 下次試下! 講番個拉麵先!! 真係可以食完再食的!! 除左分量少D. 起碼個麵質真係拉麵… 至少下次要食拉麵, 第一時間會過黎!! 有同事話, 個湯底無噤味精味… 真係有落足料喎!! 都好呀!! 飲完咪精湯真係好唔舒服嫁成個下午!! 別館本格中華麵店 No. 24A, Street #334, Boeng Keng Kang, Phnom Penh
