點解無啦啦會想記錄自己GE每一日? 因為人大左, 突然覺得時間過得好快...反而好多應該記得, 值得留念GE事未必記得起...... 我希望利用日記, 將自己記錄低...留低一個屬於自己GE小故事...希望他日十年八年回望返自己GE日記...可以盡量回味返當年GE情境或者取笑下當年GE自己... XD 今日同放工之後同嘟嘟去左權記食雲吞麵. 食完就各自返屋企...因為佢屋企人GE關係, 所以仲未太方便可以送佢返去... 雖然可能只係見面見到半個鐘多啲左右...但係都好過冇啦哈哈~ 唔知點解明明五六日都已經見左面, 都仍然時刻掛住你 =] 返緊去屋企GE時候, 正猶豫好唔好去跑步...因為岩岩先食飽...而且琴日又瞓得唔好....真係唔係好想去跑.....但搭搭下車...突然見到哥哥IG PO左幅相, 寫著"只有非常努力, 才能看着毫不費力" ...睇到呢句...突然覺得冇藉口唔去跑步了......想考入境, 但遲遲都唔願跑步操體能... 永遠都同自己講"聽日先"... 拖拖下, 一年, 兩年又過去了... 我知道, 身邊GE人開始對自己愈來愈失望, 或者愈來愈睇小, 唔信自己... 因為我講完GE事, 大部份都做唔到...得個講字...我知道..一直都知道...但遲遲都唔肯去改..唔肯去面對..唔肯去堅持......我一直都知道最大GE敵人係自己GE惰性...... 最後我出左去跑...唔知係咪呢排跑得多左密左...感覺上比之前第一次跑GE時候好左好多...唔會好似第一二次跑咁, 上氣不接下氣, 仲要跑到就黎死咁... 今次我可以一口氣由QB跑SKW再跑返去西灣河...雖然都唔係好遠...但對於我黎講好有成功感...我每一次跑步GE目標就係一定要比上一次跑得更遠...黎緊下次我要跑得更遠甚至要更快!! 今年發生左好多事...雖然係最壞GE一年, 但都係可能係我轉折, 準備鹹魚翻身GE一年, 因為慢慢認清自己想做啲咩同應該要做啲咩? 同時, 可能年紀大, 突然醒覺自己已經冇咩時間青春再揮霍...係時候認真, 下定決心完成一早應該完成GE事了!
