海洋中公園的爐炭燒餐廳最近迎來新驚喜——由曾任五星級富麗敦海洋公園酒店及食肆沙嗲軒等任職嘅「梁年方師傅」坐鎮，特別推出一系列星馬特色菜。餐牌上精選了五款經典之作，每一道都展現出星馬料理的獨特風味，令人食指大動。點擊圖片放大 +5 一碗熱辣辣嘅「肉骨茶」，端上枱嗰陣已經聞到濃郁嘅藥材香。湯底色澤深沉，入口先係胡椒嘅辛香，跟住係甘草、當歸同八角嘅回甘，層次感豐富。排骨煮到軟腍，輕輕一咬已骨肉分離，湯底唔會過鹹，暖胃又好味，配上香脆的油條，吸滿湯汁後，真係冇得輸。 「胡椒大蝦」一上枱，香氣已經好搶眼，胡椒嘅辛香同蝦殼嘅焦香交織，令人食慾大增。蝦殼煎到微脆，帶少少焦香，啖啖胡椒味滲入蝦肉，辛香同鮮甜互相輝映。唔單止係味覺享受，仲係一種快感！ 「馬來海鮮喇沙」以香茅、南薑、蝦膏、薑黃粉熬成香辣湯底，椰汁咖喱濃郁包裹油面米粉，入口滑順。再配上鮮甜的帶子、爽彈的大蝦、彈牙的魚蛋、豆卜吸收晒湯的精華收，味道更佳，每一口都滲出濃厚的馬來風情，吃後飽肚又温泉。點擊圖片放大 「海南雞配怡保芽菜（半隻）」梁師傅嚴選肉質鮮美的三黃雞，以滾熱上湯慢火浸煮至恰到好處，雞肉去骨後依然保持嫩滑多汁，入口柔潤，帶有淡淡雞香。金黃雞皮薄而不膩，與滑嫩雞肉形成鮮明對比。搭配爽脆清甜的怡保芽菜，口感層次分明，既有濃郁鹹香，又帶清新爽口，完美呈現地道星馬風味，令人食指大動、回味悠長。 「星洲蘿蔔糕」外脆內軟的自家製蘿蔔糕，入口先是金黃焦香的脆邊，隨後散發濃郁蘿蔔清甜。糕身鬆軟綿密，配上香濃蛋碎與微甜醬油，鹹香交織，層次分明，帶來獨特而滿足的口感享受。 這五款菜式不僅是星馬料理的代表，更是梁師傅匠心巧手的展現。食後令人念念不忘，彷彿把檳城的美食記憶再次喚醒。🎄✨ 聖誕快到，餐廳更特別準備咗一系列限定飲品同甜品，氛圍滿滿～點擊圖片放大 🍋 三檸特飲清新解膩(檸檬、青檸、咸檸檬及梳打水)❄️ 白色聖誕夢幻登場(菠蘿汁、椰漿、蛋白霜脆餅、砂糖、椰絲、朱古力碎及金餡糖霜)🍷 聖誕香料熱紅酒暖笠笠(紅酒、橙、檸檬、丁香、蜜糖及肉桂)🥭 芒果慕絲杯香甜滑順🍓 士多啤梨慕絲杯酸甜可人🍫 朱古力慕絲杯濃郁滿足點擊圖片放大 +3 每一款都充滿節日味道，邊食邊感受聖誕的歡樂氣氛！公園今次推出咗「遊園探險卡」(Sanrio Characters)，更在園内特設了 18個打卡點，憑探險卡可觸發光影或聲音等特效，一邊遊園一邊打卡，體驗一次神奇的探索之旅！點擊圖片放大 #爐炭燒 (黃竹坑)地址: 香港黃竹坑海洋公園海濱樂園夢幻水都電話: +852 39232161
