依篇係我第一篇既blog同食評, 事源係琴晚去左一間叫Spicy Girl既野食晚飯, 係我既朋友上Open Rice搵既, 一去到見到佢個牌話係Open Rice比五星食評就會平15蚊, 覺得好唔應該, 所以激發起我想試下用blog寫D正路既食評. 以後都唔想再要睇Open Rice搵野食 但奈何上Google 一search都係Open Rice sosad 必需利申一下, 我唔係D飲食達人, 以前比朋友話普普通通都會話好味, 所以可能都未必岩大家口味, 不過即管一試喇. 香湘辣妹Spicy Girl /紅磡必嘉街120號黃埔花園第3期地下29號鋪/即紅磡Poly舊hall對面 10蚊一個白飯/ 依個碗好淺sosad 倒落正常碗 應該一碗都無 其實佢既味道唔差,略嫌有D咸同油,但川菜係較油既. 不過細份就係真, 左邊碟豆乾60幾70蚊.右邊碟炸100零幾蚊, 應該大約10條, 都唔知有無, 不過係炸得幾好味, 夠脆同辣. 另外我地都叫左辣子雞, 好味, 不過得好少肉. 我明白可能佢都係想玩好OPENRICE依個game 但係食評唔應該係買返黎 依個係原則~ 我地食左7個送, 9個飯, 做埋會員,入左500蚊入會員卡,送50蚊. 原來如果要用會員卡, 就全張單都要會員卡比, 我地張單722, 所以我地要入多300蚊, 會員卡仲有78, 下次lunch再去食, 再加食評~折左7個人每人110元, 個人就覺得唔飽. Conclusion: 其實食物味道唔差, 服務都OK, 價錢個人覺得有點貴, 不過對中消費既人黎講可能OK.
