久唔久打下邊爐先安落既,今次搵左呢間專食牛既餐廳。呢間野係尖沙咀都唔算難搵,上到去一望已經望到一張牛牛全圖。 點擊圖片放大 坐低左一開個PAD點食物,有唔同既牛部份選擇,有好多都幾新鮮未聽過,全部都好勺鑽。好奇下我地點左D冇聽過既牛部份黎試下。除左牛之外,呢到都仲有Cocktail,個名好正,點左杯那些年我們收過的兵,味道還可以。 我地試左個酸菜湯底,點之前我對佢有點保留,所以另一邊叫左個清湯,後來食落又覺得酸菜湯底先係最正,同d牛肉好夾,跟住大家淨係食晒果邊,哈哈哈! 點擊圖片放大 叫左個匙皮,即係牛上面的肩胛肉,軟林林好好食,好滑!佢有張紙寫明邊種肉煮幾耐,雖然最後都冇理到..... 跟住叫左個滑尾龍,放左隻生蛋連埋d牛肉一齊撈勻再放入去打,呢個我最鐘意食,不過每次只食一塊唔係好夠喉,因為太嫩滑了,要打孖一齊食先正 呢碟叫封門柳即係牛橫隔膜肌肉,牛味重d,但肉質都一樣係好林,亦唔肥膩。 呢個叫脖仁,聽個名都知係條頸,不過係頸中間位置,感覺有d似肥牛感,不過新鮮度很高,味道也很不同。 呢碟龍尾朋友話好好食,係牛既後腿肉,一d都唔靱,以為行得多會老d靱d,又原來唔係! 總括黎講喜歡食牛既一定唔可以錯過,價錢方便每人二百幾蚊倒啦,不過基本上好多火煱專門店都係呢d價錢,可以自己衡量下:) 616麥子 地址:尖沙咀赫德道4號The Hart 1樓 =×=×=×=×=×=×=×=×=×=× 【Like my Fb page】https://www.facebook.com/photography.tomob/ 【Follow IG】https://www.instagram.com/sunshinetomob 【Website】http://sunshinetomob.com 【專欄】http://www.gotrip.hk/author/tomomiwong/