太子大南街一向都好多好嘢食，八不呢間日式餐廳細細間，但係就充滿着日式嘅味道，同我去日本旅行食嘅品質係差唔多。 入面有好多不同種類嘅食物，除咗刺身，仲有烏冬同蕎麥麵，仲有不同嘅炸物例如虎蝦同埋日本廣島蠔，好值得食因為佢嘅炸法完全唔覺得油膩又好香脆。而最重要嘅係，主打壽喜燒，而佢推薦嘅食法都與眾不同。 有不同嘅肉類可以揀，主要係A5日本🇯🇵高級黑毛和牛，同埋來自美國🇺🇸，仲有日本茶尾豚肉。 壽喜燒套餐，日本A5黑毛和牛壽喜鍋，原本配野菜拼盤，可以+$30轉日本茶美豬腩片100 g$398 日本A5黑毛和牛，雪花均勻，茶尾豚肉一樣,唔好睇佢好似好多油脂煮完之後哇，好香。店員好細心咁解釋我哋要點樣煮，將少量佢哋特製嘅壽喜燒汁落去鍋入面，等佢開咗鑊煎到時剩返少少汁嗰陣，即刻攞一塊落去煎，15秒煎好即刻拎起點去蛋漿入面，再放入口，入口即溶，又薄又滑，好香。如果中途，需要幫助要出聲啊，如果唔係少少燶咗底嘅話就影響左肉味🫶另外我哋仲叫咗一碗吉列廣島蠔烏冬 配傳統日式清湯 $98講明傳統日式清湯真係好似嗰種去日本食嗰種風格清幽嘅口感，烏冬品質有咬口之餘，粗幼啱啱好，絕對係高質。上面仲有不同配料，佈滿左日本櫻花蝦。再嚟就喺廣島蠔，呢個係我最鍾意食嘅日本菜式之一，大大隻蠔，熱辣辣香噴噴，炸粉唔會太多包落去啱啱好，香脆之餘又唔油膩。原來Yahoo!新聞都有報道過，價錢親民嘅壽喜燒：https://hk.news.yahoo.com/太子-美食-壽喜燒-八不-豚肉-黑毛和牛-223019534.html
