唔想行山遇到太多人？疫情下想保持社交距離？想行一個山可以吸多D新鮮空氣？今次筆者就到訪上水既華山，港版既萬里長城以下係筆者是次既路線圖 筆者今次既路線如下：上水巴士總站 -> 虎地坳公廁對面上山 -> 長甫頭 -> 華山 -> 犀牛望月 -> 松山 -> 坪輋路去虎地坳要乘搭73K回程就係坪輋路搭79K 上水巴士總站73K站既位置 虎地坳落車位置 過條班馬線，就一路沿斜路向上走 是次路線爬升不多，但就有廣闊既風景 可能近邊境關係，提示都用左簡體字，無論簡體又好，繁體又好，保持山野清潔係最重要！！！ 行前少少有人掛左個沙包係度，睇黎平日附近既居民都會上山練拳，做上水拳王 見到呢D景仿如置身浪漫電影拍攝場景可惜既係筆者今次係自己一個行（強烈唔建議自己一個走唔識既路，好危險的） 沿路都係石屎軍路，但有時上斜個坡幅都幾大，一定要帶夠水行 再睇睇寬闊既軍路，真係幾好行 行到咁上下，就見到有個小山上面有個好似崩左既標距柱，睇睇Google map原來已經到左華山，所以連同小跟班影返張相（筆者並無KILL標既習慣，因為一般支標都無乜野好影） 行前多些少，就見到有個大石被寫上北望神州既字眼，而的而且確望去對面就係深圳沒想到12年前留低既一句祝福12年後既今天一樣咁應境，大家真係要好似胡力威師傅上年拍片既祝福一樣： 身體健康！！！一路行行行，人影都唔見隻筆者都諗起好多往事，有時一個人放空又唔係一件壞事起碼會識得放下一點執著 行到終於見到軍徽既位置就決定行落少少影返張wide angle點知因為筆者今日無著行山鞋既關係，跣左一跣所以一對行山鞋係相當重要！ 筆者影多張打個靚卡就聽到下面軍地進行軍訓當中筆者欣賞左一陣風景就繼續向終點進發 最後既都係沿軍路落返坪輋路不過發生左段小插曲俾一堆應該村口養既狗包圍筆者第一時間係保持冷靜，唔跟佢地直視慢慢一步一步咁向坪輋路離開當時既情境猶如古惑仔3山雞俾肥屍兇完離開時慢慢背對住咁走我個角色就如同蕉皮一樣，射匿眼咁望向後面而今次同電影唔同既係，有兩隻狗跑過黎。。。幸好既係果兩隻跑到埋黎又停左，或者佢地以為我有野食派 行到出去，見到有間廠房外面貼住「唔好係度掉口罩」作為有責任既行山人士，記得記得唔好亂咁隨處掉口罩行前少少有巴士站，就等車出返粉嶺走筆者覺得路線既難度： 1.5/5景觀： 4/5迷路可能性： 1/5 手足並用： 0/5曝曬指數： 5/5 （如果夏日炎炎就真係幾曬下，因為幾乎無遮蔭）
