最近每個人因疫情而愛上了行山打卡徒步走得多就想挑戰自己，想玩要攀爬既路線筆者今次就到訪步步驚心既 「虎吼石河」筆者今次既路線如下：水口村東邊落車 -> 沿鳳凰徑10段上走 -> 涼亭 -> 沿引水道向左邊走 -> 然後見到有個入口寫住intake No.5 ->枯廊璧 -> 虎吼石河 -> 一線生機 -> 閻王璧 -> 小鳥回頭 -> 斬柴坳 -> 落返昂坪去程方面有好多巴士都經既，例如23， 11， 11A回程方面筆者就選擇23出返東涌市中心 枯廊璧（左邊）既外貌 沿途其實屬於石河既底部，好多大大小小既岩石需要不停既攀爬 （新手要量力而為，無攀爬經驗就請睇完當去左） 開始見到細小既碎石，就係主菜既開始筆者同友人異口同聲都覺得其實是日最難既位置就係呢個起點因為只要你一爬，就會不停聽到周邊既石頭向下滑既聲音，而你攀爬以及腳踏既石頭一樣會好唔穩陣咁慢慢向下滑要企得穩有一定難度！！！！ 沿途碰巧有其他人一併同行，大家面對如此狀況，都會互相提場，邊個位穩陣，邊個位有粗壯樹幹借借力也許，爬山就係另一種增加人與人之間溝通既另一個方法 爬到接近頂部，就會有一個位置可以登上石璧回望整條石河既壯麗但始終非正式路線，而且可以站立位置不多，所以一定要注意安全 望向底部都難以望到盡頭 去到石河頂，望返落去，根本就好似一個無底洞中狗牙坑，真係頗富挑戰性的！由於筆者已經多次經過一線生機，所以唔會着墨提及但都係安全為上，慢慢落就無咩大礙 上攀閻王璧，影返落去西狗牙真係幾吸引回憶之前上西狗牙都係霧氣纏人，藍天底下既西狗牙，筆者都係今次先有幸見到攀完後，小鳥回頭有太多人打卡關係，筆者就直接上斬柴坳落返昂坪完結是日行程筆者覺得路線既難度： 4.5/5景觀： 5/5迷路可能性： 3/5 （除了石河底部爬黎爬去都差唔多令你懷疑人生，其實回想成條路都係得一個方向，尚算明確）手足並用： 5/5曝曬指數： 5/5 （進入石河既起點開始就無樹蔭可言）天氣開始炎熱，每次出行一定要準備充足既水補充所需既水份
