成日睇韓劇，都見到韓國人好鍾意去汗蒸幕! 所以今次韓國之旅，都要試一試！做左少少 research,又有朋友介紹 最後去左 大型 SPA Resort 汗蒸幕 龍山DRAGON HILL SPA(용산드래곤힐스파) 依個係首爾龍山站，一出行５分鐘就到！十分方便！ 係裡面，好似一個休閑度假式洗浴中心。有分男女汗蒸幕區、桑拿浴區、戶外游泳池以及水流按摩浴池等不同設施。重有多種不同功效的汗蒸幕，最特別係傳統炭燒汗蒸幕，可幫助血液循環! 依間相信比一般汗蒸幕 收費比例貴, 但規模同設施就更完善...相信你會覺得值回票價! 同埋地方都好乾淨，都好適合一家大細黎享受下!如果想游水，咁記得帶埋泳衣，因為果度有泳池架！ 影相唔多，因為帶住手機入去，又要汗蒸幕，所以放低左係locker就盡情享受了! 不過帶唔帶得手機入去呢?? 咁當然唔建議啦, 因為有D 蒸幕地方好熱架...令到手機有問題都唔好 不過, 我都見過好多韓國人帶住手機入去聽歌....哈哈, 不過我就唔夠膽喇! 收費：(可能會有更新架!) 05:00-20:00 大人11,000W 小孩6,000W 20:00-05:00 大人13,000W 小孩6,000W 地址：首爾市龍山區漢江路3街40-713 網址： http://www.dragonhillspa.co.kr/d/ch/main01.htm (中) 首爾龍山站一出就, 行只有 3 分鐘就到! 背著電梯企, 係右邊就係了 好大個門牌 之後沿住條路徑行入去! 大家就係咁好悠閒訓係到...睇電視同傾計 ( 上圖 取自 : 新浪旅遊 ) 依個韓國傳統汗蒸幕特別的熱!!! 我諗 係入面 5 分鐘，你就會feel 到d 汗好自然流出黎! 當你習慣左之後，就會覺得好正，好舒服！最岩減肥！ (http://www.876543.cn/?Article38/138.html) 黎到韓國汗蒸幕，當然要試下整羊角頭！！其實都幾得意！可以不妨一試，影下相丫! (http://plugin.funbuddy.com/space.php?fanid=122637&do=blog&id=106009) 想學點整?? 好容易, 因為我果時都係即刻靠裡面免費 wifi 上網搵申教學: https://www.youtube.com/watch?v=yR78U0Zes3s 汗蒸幕，對我黎講係去韓國旅行必試之一！ 因為香港唔會有，而且可以感受一下韓國人當地文化 雖然你唔會明白佢地講緊咩，但係望到佢地一家大細D舉動,有時都覺得幾得意 如果有機會，要去下，親身感受下啦！:)
