我每當去到一個陌生嘅地方，我都有離家出走嘅衝動 因為我知道，返去之後我嘅眼界已經同以前唔同 喺自己生活慣嘅城市裡面，你永遠唔會知道外面嘅世界有幾大 亦唔會知道我喺棉花堡感受過嘅有幾多 你問我棉花堡係乜，我真係答唔到你 係種棉花既地方？係堡壘嚟？真係冇見識 究竟我點樣可以同未去過土耳其嘅人解釋呢D咁特別的地貌 每舊棉花堡嘅石灰岩都經過萬度高溫，千年沉澱 係來自含鈣嘅溫泉水喺流動嘅過程中冷卻沉積下來而形成 每一舊都有佢嘅年期，佢嘅磨損 棉花呢個名究竟係D乜？根本就好似老襯亭咁，你估真係老襯先會去咩？去到又真係有個亭咩？ 我慶幸我人生可以有旅遊嘅機會 去過咁多好嘅地方，蘇格蘭、埃及、尼泊爾、絲路......各有特色 亦有很多啟發左我嘅經歷 喺呢個時候，我自己坐喺棉花堡嘅岩層上 我覺得自己係嚟過呢度，我覺得呢度有好多同道中人 我浸對腳落D溫泉水度，我望住風起雲湧嘅天空 我望唔透，我望唔清究竟呢個世界仲有幾多個地方我未去過 我好期待 我離開棉花堡，我著番鞋嘅時候有個阿婆剛剛坐低浸腳 我望住佢，佢望住我 我地互相點下頭 我好感動，原來呢個世界仲有人咁大年紀都嚟旅遊 黃昏有D涼，我忍住鼻水 走出棉花堡，著起風褸 頭都冇回咁影最後一張照 或者個阿婆會話，老人家就唔可以去旅遊嗎？ 我唔知道 喺呢一刻 我覺得我呢一世係一個天涯旅客 點擊圖片放大 +6
