記得好多年前，有個廣告話要食得招積，無錯！所以今次我去泰國之行，當然要食盡佢啦！ 抵食芒果糯米飯 在芭堤雅附近食得超好味的芒果糯米飯，仲要份量是比香港所見到的，大幾倍。去到店舖，係一個開放式的檔口，見到超過100隻芒果係你眼前，俾你慢慢揀，係香港連揀都無得揀！當地人表示，泰國人愛食甜一些，唔知你係唔係呢？佢一份再加一包椰汁，份量二人食都夠(p‧s‧我地係二個女仔，唔算大食)，50泰銖(太約港幣$12-13)，超值好味！ 地點：芭提雅中街(Central Pattaya Road)與芭提雅2路(Pattaya 2 Road)交匯處，見到一間Top supermaket，沿中街往?約100米，有一個水果市?(晚上?光明亮)，當中有寫住中文字的50-70Bahts一份芒果糯米飯。可惜我排住食，無影底佢。 水上市場的海底椰飲品 熱辣辣的天氣下，當然要飲一杯清涼又解渴的飲品。在芭堤雅Floating 4 Market ?舊水上市場入面，有各種有水上擺賣，其中一檔寫上中文字海底椰的，價錢25泰銖(約港幣$7)，大大杯，仲勁多大大塊海底椰，味道清甜，夏天飲，爽呀！個檔主仲非常nice，抵讚！ 最高的酒店自助晚餐 宜家各國都愛建高聳入雲的建築物，日本有sky tree，香港有sky100，台灣有台北101。有人話，去旅行，不到這些地標，不如說無到泰國一遊，所以我俾左800泰銖(即港幣$200)作去泰國最高的酒店曼谷彩虹雲霄酒店(Baiyoke Sky Hotel)作觀光和食左一餐dinner buffet， buffet係國際美食，78樓食晚餐，相信在香港食唔得依個價，味道中規中矩，同價錢成正比，但比起香港點樣都唔同。食完後，先去77樓觀光台，有紀念品買，同時有好多影相位，正！之後上84樓，是一個露天旋轉觀光台，可以飽覽曼谷夜景。四周的因塞車形成長長的車龍，五顏六色，景緻真係同香港唔同！！
