有多間分店嘅大喜屋集團相信大家唔陌生,今次黎到尖沙咀嘅殿大喜屋,我諗殿係有殿堂級嘅意思,因為野食真係超多元化,中日西樣樣都有,食物仲好高質,平日埋單先300幾蚊一位豪食120分鐘,物超所值😋😋同好多放題店一樣,一入去有超大自助吧,包括各款涼菜,是日海鮮(大蝦🦐同青口),幾款熱盤,湯,好多款冷熱飲品,甜品蛋糕櫃,同埋有movenpick同haagen daz嘅雪糕櫃,淨係食吧枱都半飽🤣🤣🤣點擊圖片放大 +4 坐低每枱會有自己嘅QR Code落單,食物可以一件件叫,食幾多叫幾多👍🏼 上菜好快,等5分鐘左右已經陸續送上,而且完全無漏單,清碟都清得好快,放題店少有嘅優質😀😀😀 落單嘅食物好似有成8-10頁,我地樣樣都叫哂咁滯😛 為大家推介幾款特別嘅:刺身🐟: 估唔到有松葉蟹腳😀驚喜!呢啲通常酒店自助餐先有,呢度都係任叫任食,鮮味十足😋 其次佢地拖羅都好出色,原來係日本直送,唔怪之得咁肥美入口即溶😎 避風塘炒蟹🦀: 放題都有中菜?🤣 係呀,有一份份嘅避風塘炒蟹叫,一份都大約有6件,2人夠食有餘,避風塘好有鑊氣,送埋日本清酒一流。 薄燒和牛🥩: 有睇開我post都知我係牛魔王😈 呢款燒牛大概燒到medium,油脂半溶狀態,牛味香濃。牛肉本身無調味所以點佢嘅甜䜴油黎食就fit哂😚 醉鮑魚🍻: 醉野不嬲都百吃不厭,呢度嘅醉鮑魚浸到好入味,鮑魚肉質彈牙但唔會靭,上面仲有幾粒紀子添😮 皇牌炸燒乳鴿🐤: 燒乳鴿外皮香脆,肉質嫩滑,䜴油咸香調味啱啱好。