呢間安平燒肉我已經唔係第一次食，今次再訪原因好簡單，因為牛肉同各樣食物都高質，上菜速度快而且從未漏單，店員服務周到加上價錢公道，所以要食燒肉都好自己會諗起佢😋今次我係食lunch time，因為就算食太飽都有成個下晝消化🤣 我揀嘅係最貴嘅澳洲M5和牛吃到飽套餐，價錢$368，唔係好平但勝在食物質素值回票價👍🏼一開始時餐廳會送每人2條牛舌芯，鍾意食牛舌嘅我勁happy❤️ 燒完外脆內軟好正！其他牛類有M5和牛同安格斯牛小排，2款都牛味濃郁，少許油花燒過入口即溶🥩除左牛之外，平時唔多人食嘅燒豬肉都好有驚喜🐷我要推介嘅叫原住民燒豬肉片，佢用花椒等香料醃製過五花腩片，燒到燶燶地好香口惹味，點埋佢嘅汁少少酸解漏，100分嘅配撘😀其餘食材仲有台式小食，10多種海鮮，雞肉豬肉，自助蔬菜吧等，真係花多眼亂每樣都想試😫 野飲亦都係任飲，有平時嘅罐裝汽水，亦有安平燒肉自家製嘅茶飲，清熱解膩👍🏼食到最後，每人會有一杯haagen daz做甜品，我地嗰日有red velvet cake口味🥰 完美結束呢餐超豐富嘅燒肉盛宴。點擊圖片放大 +8
