小妹天性懶惰，小時候學鋼琴數年，同好多小朋友一樣愛彈琴但討厭練琴。考過三級試，五級試肥佬後就放棄了。雖然一直空閒時間都會開琴彈下（一個月一次咁上下，哈哈）但技術只停留在好簡單的流行曲譜，# b多兩個都唔願彈。不過近半年因為疫情關係，小妹公司可以wfh ，的確多左時間彈返琴。適逢小妹唔想再學日文，最後決定學返琴。好衝動之下，上網搵老師，星期五搵，星期六confirm 試堂，星期日就上老師家試第一堂！臨上堂前，居然好緊張，心肝仔卜卜跳，哈哈！WhatsApp 到有同老師打定底，話我sight reading 好差（即時演奏）。一開始老師比左一份簡單既譜叫我sight reading（大概2級程度）總算托賴，過到關！老師問我想學古典定流行鋼琴？會否考級？我想，古典鋼琴的技巧係幫我打好基礎，所以答老師，想學古典鋼琴，但暫時唔打算考級，好好享受下音樂先，最好學啲YouTube 可以聽到既歌（練習聽返用）結果即日既功課如下，1 土耳其進行曲 - Mozart2 水邊的阿狄麗娜 - Richard Clayderman3 Grande Valse Brillante - Op. 18 Chopin 頭兩首小時候自己都有練過下但第三首返屋企聽YouTube 嚇親我咁快既？係咪真係我能力所及之處？不過老師比得既功課，都要盡力去試，否則同小時候一樣嘥錢嘥時間。趁住未需要全面復工，努力練琴！土耳其進行曲2 水邊的阿狄麗娜3 Grande Valse Brrillante Op.18
