繼續介紹下我哋間酒店先 呢間酒店好有特色㗎 大家去睇睇 有好多創意嘅佈置 值得一提嘅係佢包嘅早餐 麻雀雖小五臟俱全仲幾好味添 點擊圖片放大 價格唔貴 值得推薦 台中紅點文旅 食完個早餐我哋就出發啦 我哋今日會去 福容大飯店 呢個就係我哋要介紹嘅地方 香港 比較少 人嚟呢度玩 但其實呢度好值得介紹大家同小朋友去玩喎 最好就安排三日兩夜 未夠鐘check in放低 行李 就立刻去玩 麗寶樂園有水陸兩個遊樂場 喺酒店行過去五至十分鐘就到 好近好近 今日天氣悶熱 我哋第一站入咗室內玩碰碰車 但Summer唔夠高 冇得玩唯有玩入錢嘅車 台灣呢啲車仔好抵玩 十元台幣就可以 為起港紙3，4蚊好抵，任玩 跟住我哋去咗坐小飛象 其實同香港迪士尼樂園嗰個一樣 分別在於呢度冇人玩 迪士尼嗰個要排餐死 玩完小飛象我哋就去咗玩轉轉 恐龍 好似迪士尼個轉轉杯一樣 喺樂園入面仲有呢啲室內嘅playroom 一樣 比較少人玩 Summer可以包場 玩咗一陣 涼下冷氣先 跟住再 樂園 入面食lunch 好老實好難食 食飽繼續出嚟再玩過 玩咗呢隻蝸牛車 佢係全人手動 真係好似蝸牛咁慢 笑到我哋CC下 Summer玩完話好累 兩隻小蝸牛真係辛苦 辛苦 玩完覺得自己上咗賊船 跟住就去玩呢個美人魚木船 呢個佢哋我覺得好好玩喎 前後玩咗五六次 去片 https://youtu.be/IwLKDN_s6Wc 玩得好高興添 跟住就去玩海盜船 去片 https://youtu.be/fdqsTu2zaOs 好多呢啲小型嘅遊戲玩 喺另一邊就有啲 大人玩嘅機動遊戲 但係我哋就冇玩 跟住就入咗去室內玩 螢幕遊戲 順便入嚟涼下冷氣 去片 https://youtu.be/SPLgnS7PsBg 坐埋個船船 幾得意 我們就預備回酒店取房， 跟住休息下 臨走前 還佢心願 去 抽獎 滿載而歸 就返酒店取房 休息下先 下篇再續 大家睇完記住比個likes 支持下 多謝大家
