由細到大Summer都好鍾意花花草草 所以好多時我們都會同佢去唔同嘅公園玩 其中最鍾意去嘅咁梗係 香港公園 平時去香港公園我們會由太古廣場 搭扶手電梯上到最高 直接由香港公園入口進入 香港公園好大㗎 除咗有好多好靚嘅花 仲有好大嘅水池有好多魚同好多龜 佢哋入口 水簾 應該好多人都認得 唔怕濕身嘅可以入去影相 今日天氣都好熱 剛好Summer要在附近考試 考完試出嚟的時候 就最適合去香港公園玩 我們從正門開始一路入 沿途一路欣賞風景 有好似 碟嘅玉蓮呀 有可愛嘅太陽花 今日嘅目的地就係去遊樂場玩 呢個遊樂場有幾層架 最特別係佢有條長滑梯 最記得呢條滑梯好多年前係封咗㗎 有一位媽媽不斷爭取要求 康文署終於維修更換 安裝咗呢條新滑梯 重開 香港好少呢類型嘅 滑梯俾小朋友玩 (所以都好多謝呢位媽媽， 因為你嘅積極爭取 大家小朋友終於可以玩) 不過今日玩嘅時候就發生咗小插曲 所以都想分享下 希望大家珍惜擁有 喺Summer排隊玩嘅時候 媽咪梗係喺下面個層等影相 在等待嘅期間居然聽到 隔離一群 爸爸媽媽 佢哋係認識嘅 個爸爸落嚟嘅時候 佢朋友就話你唔係滑？ 個爸爸就話我唔玩滑講了幾句理由 Summer mami聽到個堆家長諗住滑 都想開口話，但忍住咗 點知 不到30秒內 個位太太抱著小朋友一同滑下 我就忍唔住了 第一句就同佢講唔好意思大人係唔可以玩㗎 第二句就同佢講 呢條滑梯係好辛苦爭取回來 第三句就同佢講 我哋係應該要珍惜唔好破壞 第四句就同佢講 如果個個大人都 一齊玩嘅話條滑梯就好易難 跟住之後就同佢講 希望你哋唔好破壞小朋友玩嘅地方 遵守返個規則 呢個遊樂場寫明只係放五歲小朋友(通常5-10yrs都可以遊玩) 因為大家都係香港家長 雖然佢哋冇答 但Summer mami 揸住個電話等緊影Summer 到佢哋再上去玩的時候 嗰位太太 好努力遊說佢自己三歲嘅小朋友 自己玩下 因為係個位小朋友滑下之前 剛好有個1歲嘅 外籍妹妹 自己滑下 bb女十分可愛玩得十分開心 見到過了兩個小朋友後 個位太太的仔仔 終於肯自己單獨滑下 當他自己成功滑下時仲要十分開心 藉此分享希望大家都知道 其實小朋友需要不斷嘅鼓勵 同嘗試 佢就會成功 如果家長下下都要抱住佢的話 佢永遠都唔會 有機會踏出第一步 成長係需要家長放手 希望大家俾小朋友自己試下 更加希望大家唔好破壞 屬於小朋友嘅遊戲設施 放手畀小朋友自己去玩啦 在安全 和家長視線範圍內 給小朋友一個玩樂嘅空間 小朋友嘅成長和創意 是需要有自己嘅空間 呢個公園其實除咗啲條滑梯 仲有一個沙池 呢個 沙池上 還有幾部 掘沙機 好好玩 以前都係壞㗎而家都係新整好 希望大家好好珍惜 特別遊樂設施嘅公園喺香港唔多 希望 大家嘅小朋友都可以有機會盡情去玩 https://youtu.be/pCYcBwwR-VA 香港公園除咗有一個好特別嘅遊樂場 仲有好多其他設施欣賞架 有時間可以同小朋友去參觀下 嚟緊我哋就出發去下一個旅程啦 所以近期忙著plan行程無時間update blog 大家鐘意Summer可以去facebook #summerbb夏天 或者可以follow佢個 instagram sweet_summerbaby 旅程回來再分享 多謝大家支持
