玩埋今日聽朝就返到香港啦 咁今日我哋就要盡情玩啦 平時我哋都係miss曬嗰啲午餐時間 今日點都要去主餐廳食lunch 今日有咩食 睇下個餐牌先 我張相矇左不過唔緊要 我今次有影食過咩 點擊圖片放大 +2 食飽飽我哋就繼續今日嘅旅程 第一站甲板衝浪 原本家姐想同媽咪一齊玩家 好可惜家姐差少少高度(家姐131cm) 要好傷心咁望住人哋玩 甲板衝浪有兩款 呢款係瞓喺度玩 跟住個人要坐喺身 海洋航行者上面嘅教練教得好好 就算大家唔識玩都可以去試下 但係記住 衝浪嘅水係好大力 所以要穿著合適嘅 衫 有人真係 試過衝甩褲 畀人放上網 因為喺你玩緊嘅時候好多人圍觀 我覺得小朋友一定要去試下 今日去玩只有媽咪 係教練悉心嘅教導 都可以成功上板 仲有踏板衝浪 大家都可以試下 好有成功感 記住兩款 衝浪係唔同 時段進行 玩完 衝浪 我哋又去再挑戰其他 兩個時間表今日好有用 hea咗幾日我哋今日係好好利用個時間 跟住我哋就去咗玩 海上攀石場 原本今日Summer都想玩可惜一定要夠6歲 記住 甲板衝浪 同攀石場 都一定要取 seapass card去登記 小朋友就一定要有自己嘅seapass 卡 同大人嘅seapass card 做監管 兩張一齊登記先可以玩 登記咗會有條手帶㗎 有手帶先可以去排隊呀 唔係排到最後先發現冇得玩 可能已經錯過咗時間 已經冇得再登記 個場其實都好高 仲要喺個海上面 郵輪 航行中 都有一定嘅困難 不過都係嗰句啦最緊要左右協調 就可以到達目的地打中鐘 跟住就係由高處跳落嚟 其實都幾刺激㗎不過有安全帶囉 知道自己唔夠年齡所以冇得玩嘅Summer 好唔開心呀 好彩靚仔哥哥 叫佢幫手做服務員 點擊圖片放大 +2 立刻開心曬 Thomas 哥哥話佢自己隻眼都好大 所以要畀副眼鏡Summer 帶住佢影相 咁佢隻眼就大D■■ 跟住哥哥仲送咗個記念品畀Summer so sweet thanks Thomas 跟住我哋去14樓嗰度飲嘢 今日先有時間參觀 郵輪 原來有間吧 可以畀大家飲嘢 加上無敵海景 我哋都休息一陣坐低飲杯嘢先 喺郵輪上面所有嘅消費都係用美金計㗎 所以大家要自己折換返港紙價錢 付款嘅方式其實只需要拍你嘅seapass卡 就會幫你記帳 通常我哋一家人去 就會將所有嘅帳單入哂一個人身上 即時係我媽咪呀 咁到時結帳只需要Mami負責去查單同埋畀錢 如果大家想簡單些用信用卡 咁張帳單就直接喺你哋嘅信用卡倒扣數 如果大家唔想用信用卡嘅話 一上船就要畀低六百蚊美金按金( 人頭計一人150) 有信用卡嘅可以用返信用卡 只需要落船前對單就可以 郵輪會直接喺你哋信用卡倒扣數 如果冇任何消費過嘅咁就可以無須理會 講返呢間酒吧 其實可以跳舞㗎喎 喺我哋飲緊嘢嘅時候原來 有人教跳舞 Summer 梗係有去盡情跳 點擊圖片放大 佢跳得幾好㗎大家可以欣賞 其實跳咗我諗佢跳咗有20分鐘 https://youtu.be/8RUpCeaev9M 有好多隻唔同嘅舞步可以跳 跳完舞我哋就上咗15樓欣賞海上教堂 如果有人諗住係郵輪上求婚可以考慮下 呢個教堂係可以畀人證婚 好浪漫 跟住我哋就去咗船上面嘅紀念品中心 去睇 海洋航行者號嘅模型 如果小朋友鍾意做船長嘅可以買番頂帽 上次喺海洋讚禮號我哋唔記得咗去買返架船做紀念品 所以今次落船之前 我哋就買咗隻海洋航行者號返屋企啦 買完紀念品就返房休息下先 最後今天啦為咗答謝哥哥 幫我哋每日執咗兩間房 咁我哋都有畀咗少少心意哥哥 ( 呢個都係坐郵輪嘅習俗) 我哋喺上次 坐郵輪嗰陣時學 大家都開心 影張相留念呀 有時就係咁㗎啦生命中你會遇到好多唔同類型人 有好多人會喺到你生命中出現協助你 希望Summer可以好好記住 每一位出現過嘅笑臉 今晚我哋有入歌劇院度睇表演 Summer 仲食佢之愛嘅棉花糖 睇完歌舞 我哋就要回房 執好房啲行李啦 行李帶亦都會喺執房嘅時候放咗喺大家嘅房間 因為 今晚十點前我哋要將行李放喺走廊 咁就有會有人幫你攞落船㗎啦 瞓呀 明天8點鐘前 所有客人都要離開房間 所以今晚都係早啲瞓啦 多謝繼續支持
