Hihi 我又去高街醫肚，今次要推介就係佢 - One Stop 本身One Stop 係全條高街最平既有質素餐，但早在二月時內部裝修，開業後少不免會提高消費指數。 但只不過午餐餐牌沒有$78 及$88的選擇，最低消費是$98 加一服務費。其實都係$20既差別，不過我覺得絕對比以前物有所值。 裝修過後，一個午餐包括有salad bar 、是日餐湯、主菜、咖啡/茶及甜品。以前是沒有salad bar 及任食甜品的。 Salad Bar 共3款沙律菜，竟然有大量火箭菜，好開心。燒粟米，蛋沙律及cold cut 等等，絕不是行貨貨色。睇就唔錯啦，味道又如何呢？ 勁讚菜式有蛋沙律及火箭菜 沙律由碎蛋白混合蛋黃醬，而且仲有黑松露味添，提升了蛋香味，好味到震呀！ 是日餐湯係甘荀湯，偏酸一點。 我最喜歡係它的忌廉粟米湯，好甜好creamy 架，可惜今日遇不上。 同同事share 黎食，可以滿足我貪吃既慾望 豬扒配蜜糖芥末汁，還有薯角及什菌作伴菜 $98 豬扒明顯地沒有用鬆肉粉強行令肉質軟化，雖然並沒有入口即溶既口感，肉質雖有點質感，但不是不能咬開，反而我更喜歡這種自然肉質既感覺。 咬下去時肉汁充滿口腔，廚師可以燒得外面乾脆而沒有抽走原本既肉汁，可見製作用心，令我對豬肉既興趣稍稍提高了。 粗身薯角既內裡啖啖薯蓉，香脆可口。 虎蝦天使麵 $108 這款天使麵沒有一般的那麼幼身，我挺喜歡比較粗身的意大利粉，幼身的配合汁醬會比較糊口一點。 蕃汁醬酸酸甜甜，吃起來更醒胃。 虎蝦大約有6隻，蠻大的，爽口，但蝦味欠奉，應該是雪藏蝦吧！ 什菌意大利飯 $98 飯軟硬適中，沒有正宗意大利菜般既堅持，改良版更迎合香港人口味。 香濃菌味令意大利飯提起鮮味，加少許芝士令菌味更濃，不過份量就較少。 點了mocha 作餐飲，朱古力既甜味已經足夠，不需要額外放糖，因為夠甜，所以我每次都會點mocha ，提神既同時可以甜一甜。 尼個牛奶布甸好味到震，我都知我誇張，不過放入口時，牛奶味好rich ，我不知道是否用北海道3.6 牛奶來製造的。加上當中見到有加入雲尼拿子，更香濃。 對於平日點少甜既人仕，會甜一點，但甜品不夠甜是不好味的，牛奶布甸就夠哂甜，為工作下半場好好加油！！！ 好豐富既午餐令我下午工作難以集中，因為好味道好滿足指數爆燈了。 One Stop Ristorante & Bar (西環) 地址 : 西環西營盤高街52號地下 電話 : 2858 1018 網址 : http://www.openrice.com/hongkong/restaurant/-/103810 有事找我 : shamyanyan@gmail.com 個人專頁: www.facebook.com/summerstarzz My sharing http://summerstarzz.theztyle.com http://blog.she.com/summer_starzz http://www.ubeauty.com.hk/member_blog/summerstarzz/ http://itrial.hk/user/iamsummer-blog-22347.html http://www.weshare.com.hk/summerstarzz http://summerstarzz.blogspot.hk/ http://www.fnb.hk/blog/30063
