講起日本食，你喜歡放題式的還是精緻d既呢？ 我個人覺得放題唔太岩我，一來唔食魚生，二來逐件上，端上來的不夠美觀。 日本食端上來要夠美觀，吃起上來有用心製作的才算合格，價錢方面，我倒是闊綽的，哈哈！！！放進口，好味先放，否則彈爆，唔食就唔食，朋友也耐我不何 今次要推介的就是位於中環威靈頓街既一間日本食，它名叫花串 因為我已經係VIP ，所以9月份生日有8折，平時都有9折架 生日食滿$500（折後）就送日本清酒，職員把它翻熱後飲用，確實不錯，暖暖的，但酒精成份也高，所以我也淺嚐一下啦 玉子燒，不會太甜，當然我覺得一門是最美味的，但這個也不俗，厚厚玉子也軟綿綿的，吃下去也有幸福的感覺^^ 枝豆是熱呼呼的，海鹽平均的散滿在枝豆上面，所以可以輕輕調出與枝豆本身既精甜之味，就是會令人追著吃的！ 大蝦天婦羅，好大隻又新鮮，係鮮蝦黎架，而且炸粉厚度適中，即叫即製，所以好夠熱 鰻魚牛油果卷 尼個要快食，因為係脆皮架！脆面心軟，陣陣牛油果香味散發在口腔內，鰻魚唔腥，又夠大件足料，唔會唔夠味 花串既串燒每次都好有水準 煙肉露荀，好香口，煙肉燒至脆及乾身，露荀好juicy，一客有2串 白膳燒，尼個唔係時常供應，所以一有，我就會order 啦 放心，好多人怕多骨，叫左唔識食，浪費左。但尼個白膳呢既骨好明顯，又得一條大骨，所以好易食 燒粟米 其實點解我會叫既呢？粟米之麻，好普通。 但我話你知，一d都唔普通，因為咬下去時粟米一粒粒，唔痴牙，甜甜既豉油加牛油味，簡直係perfect match。尼個係2客既份量 尼個西京燒不得了，可以話係我食過既最好味。 雖然外表係深色，但不會太咸，銀雪魚好滑，而且好厚身，夾左好多次都仲有。甜甜的豉油加上魚香，尼個係最吸引我來食既一碟食品。 雖然唔食生食，但我都叫左個加洲反卷，尼個不過不失啦，勝在夠大件。 冷稻庭烏冬，好滑而且不覺得粉，好爽身 牛肉薄燒共有6件，配有麻醬沙律。 內裡有蒜蓉及蔥，好香，牛肉薄身而且夠林 牛魔王既我薄牛肉又點夠呢 鐵皮蒜片牛柳（細） 想要重d牛肉味，牛柳粒會比薄牛肉好，而且肉質好一點，肉汁也較多 花串既甜品會不定時製作，所以落order最好問清楚甜品整左幾耐 例如星期一師傅整左100份，但星期四賣哂，就會再整，所以我有不定時製作既說法 因為我喜歡新鮮既甜品，所以問左邊款係當日製成的 職員也老實的回答 所以叫左柚子奶凍同埋焙茶布丁 柚子奶凍好滑，但奶味不算濃，但柚子汁酸酸甜甜，吃後覺得好清新，有助趕走飽肚感覺 我比較喜歡吃焙茶布丁，因為茶香味夠濃，而且都幾特別，加上紅豆蓉，好香。 尼餐$350一個人，話貴唔係貴，因為我食左甘多次，都keep 到質素，而職員招呼又好 晚上人流唔多，所以都算靜。 我覺得尼間日本食絕對去得過！ 食夠3張單（唔理會價錢）就可以做VIP 晚飯10%off 午飯15%off 送甜品 想同朋友聚會，傾下計，又可以對自己既肚仔好d，不妨試下花串啦 花串日本料理 (中環) 地址 : 中環威靈頓街2-8號M88 8樓 電話 : 2521 0868 網址 : http://www.openrice.com/restaurant/sr2.htm?shopid=100941 有事找我 : shamyanyan@gmail.com 個人專頁: www.facebook.com/summerstarzz My sharing http://summerstarzz.theztyle.com Http://blog.she.com/summer_starzz http://www.ubeauty.com.hk/member_blog/summerstarzz/ http://itrial.hk/user/iamsummer-blog-22347.html http://www.weshare.com/summerstarzz http://summerstarzz.blogspot.hk/ http://www.fnb.hk/blog/30063
